web counter
LEXO PA REKLAMA!

SHKARKO APP

App Store
Google Play

E fundit!

x

Nuk justifikoi ndërtimin e vilës 4 katëshe/ KPK merr vendimin për prokurorin e Apelit Vlorë

19 Janar 2021, 09:32, Vetingu CNA

Komisioni i Pavarur i Kualifikimit ka shkarkuar nga detyra prokurorin e Apelit të Vlorës Enrik Haxhiraj, të cilit iu evidentuan probleme me pasurinë, ku u evidentuan mungesa financiare në vlera të mëdha, një kundravajtje penale pushtim toke dhe mosdeklarim burimesh.

Haxhiraj e ka filluar karrierën në sistemin e drejtësisë në vitin 1989 si prokuror në Prokurorinë e Vlorës. Në vitin 1992 ai është emëruar si zv.drejtues po në atë prokurori dhe në periudhën kohore 1995-1998 ka mbajtur pozicionin e drejtuesit. Nga viti 1998 e në vazhdim ai ka punuar për më shumë se dy dekada si prokuror në Prokurorinë e Apelit të Vlorë.

Gjatë seancës dëgjimore që zgjati 4 orë, relatorja e çështjes, Pamela Qirko evidentoi pamundësi financiare në vlera të mëdha për një vilë me 4 kate në zonën e ?Ujit të ftohtë? në Vlorë, si dhe ?pushtim të tokës? ku gjendet objekti. Në analizën financiare për periudhën 95-2002 janë përfshirë investimet për vilën 4 kate, blerjen e një apartamenti me sipërfaqe 38.7m2 në vitin 2000 në Vlorë kundrejt vlerës 1 milion lekë, blerjen e një makine dhe shpenzimet jetike.

Komisioni konkludon se për këtë periudhë familja e prokurorit Haxhiraj ka rezultuar me balancë negative në shumën 10.5 milionë lekë./CNA.al





Lajmet e fundit nga