E fundit!

10:44 Aktualitet CNA

Mbyllja e kapitujve të BE për arsimin dhe kërkimin shkencor, Kumbaro: Fryt i reformave

Shqipëria mbylli me sukses tre kapitujt e parë të Integrim...

Identifikimi biometrik / KQZ ka kualifikuar kompaninë që u akuzua nga Trump për manipulim votash. Oferta vetëm në gjuhën angleze?

15 Janar 2021, 15:36, Aktualitet CNA

Sipas njoftimit të KQZ: “Komisioni Qendror i Zgjedhjeve në datën 14 janar 2021, përfundoi fazën e vlerësimit të ofertës dhe zgjidhjes teknike, të paraqitur nga operatori ekonomik ?Smartmatic International Hlding B.V? pjesëmarrës në procedurën prokuruese me objekt ?Sisteme/pajisje të teknologjisë së informacionit për identifikimin elektronik të votuesve dhe verifikimin e tyre pas zgjedhor?. Kompania Smartmatic International Holding B. V, brenda afateve ligjore paraqiti dokumentacionin, zgjidhjen teknike dhe ofertën ekonomike me vlerë: 19.975.774,23 USD pa T.V.SH dhe e konvertuar në lekë referuar kursit zyrtar të Bankës së Shqipërisë për datën 23.12.2020 me vlerë: 2,016,354,627.56 lekë pa TVSH.

Komisioni i Vlerësimit të Ofertave pas shqyrtimit të dokumentacionit, ofertës ekonomike dhe zgjidhjes teknike vendosi kualifikimin ofertës së paraqitur nga kompania Smartmatic International Holding B. V.

Komisioni Qendror i Zgjedhjeve do të vijojë me fazën e negocimit të termave të kontratës me kompaninë fituese. Nëse negociatat rezultojnë të suksesshme dhe arrihet nënshkrimi i kontratës, do të fillojë procesi përgatitor për implementimin e sistemit për identifikimin elektronik të zgjedhësve”.

Njoftimi i KQZ nuk sqaron në publikimin e vet nëse dokumentacioni është dorëzuar në përputhje me rregullat shqiptare të ligjit të prokurimit publik. Ato rregulla detyrojnë dorëzimin e dokumentacionit në gjyhën zyrtare, pra në shqip.

Report Tv, në ditët që i paraprinë njoftimit nga KQZ ka parashtruar një historik akuzash dhe kundërakuzash mes Trump dhe përfaqësuesve të “Smartmatic”.

Sipas investigimit të bërë nga Report TV, Smartmatic, u themelua në idenë se teknologjia mund të ndihmojë në sigurimin e integritetit të zgjedhjeve, në vitin 2000. Që nga viti 2003 Smartmatic ka dizajnuar dhe zbatuar me sukses teknologjitë e sigurta të votimit për komisionët zgjedhorë në pesë kontinente në 25 vende, duke regjistruar sipas tyre më shumë se 5 miliardë vota me zero shkelje të sigurisë.

Duke përdorur teknologjitë më të fundit, Smartmatic po bën votimin në internet dhe dorëzimin e votave në internet një realitet për të mundësuar votimin e sigurt në shtëpi dhe gjithashtu ofron mundësinë për të votuar edhe për personelin ushtarak, diplomatët dhe të tjerët që janë larg shtëpisë.

Kompania u akuzua në 2017, nga presidenti i Venezuelës se i ishte nënshtruar presionit të Amerikës dhe se kishte deklaruar 1 milionë më pak votues në zgjedhjet e atij viti.

Nicolás Maduro në atë kohë do të deklaronte: “Ai budalla, presidenti i Smartmatic, ka rënë pre e presionit amerikan dhe britanik dhe deklaroi se kishte vetëm 7.5 milion [votues]. Unë mendoj se ishin 10 milionë votues venuzelian.”

Në zgjedhjet presidenciale të 2020 Sidney Poëell (avokat i Donald Trump) lëshoi akuza për manipulim votash dhe ndryshimin e rezultatit përfundimtar nga kompania Smartmatic.

?Një nga tiparet më karakteristike (të softuerit) është aftësia e tij për të ndryshuar votat. Mund të vendosë dhe drejtojë një algoritëm që ka të ngjarë të përshkojë të gjithë vendin për të marrë një përqindje të caktuar të votave nga Presidenti Trump dhe për t’i kthyer ato te Presidenti Biden. ”

Në çdo rast, me gjithë akuzuesit e ndryshëm në kohë të ndryshme, ato kanë patur një emërues të përbashkët: E kanë akuzuar se ka mbrojtur interesat e SHBA!!! Ky mund të jetë lajmi i mirë për Shqipërinë. Shpresojmë që mbrojtja e atyre interesave të flasë më shumë shqip./CNA.al