web counter
LEXO PA REKLAMA!

SHKARKO APP

App Store
Google Play

Covid 19/ Mjeku shqiptar në Itali tregon se si mund të arihet imuniteti i tufës

14 Janar 2021, 20:12, Aktualitet CNA

Injektimi i vaksinës është kthyer në një debat në rang global sa i takon personave që e kanë kaluar Covid.

Mjeku shqiptar në Itali Albret Torci ka reaguar pasditen e sotme mbi këtë debat, duke deklaruar se të gjithë duhet ta bëjnë vaksinën, përfshirë këtu edhe ata që e kanë kaluar virusin. Ai shprehet se vaksina vetëm sa do ta forcojë imunitetin natyral te këta persona të krijuar nga kalimi i virusit.

?Imuniteti që jep vaksina është pak ndryshe nga imuniteti që jep në mënyrë natyrale infektimi me virus. Besohet që mund të jetë një supervaksinë si ajo e tetanozit që mund të na japë imunitet për 2 vjet.Edhe persona që e kanë kaluar Covidin këshillohet të bëhet vaksinimi sepse i jep një shtim të imunitetit?, tha Troci.

Mjeku garanton në sigurinë afatshkurtër të vaksinës, ndërsa në afatgjatë thotë se do të duhet të presim, por të dhënat paraprake nuk parashikojnë pasoja.

?Vaksina është shumë e sigurt, të dhënat e sigurisë janë të larta. Për sigurinë dhe efikasitetin afatshkurtër jemi shumë të qetë. Por për çdo ilaç të ri në afatgjatë nuk dihen efektet që do të ketë pas 5 vitesh, por besohet se nuk do të ketë asnjë lloj efekti. Në botë janë vaksinuar rreth 32 mln banorë, shumica Pfizer. Italia është vendi i parë në Europë, me përjashtim të Britanisë së Madhe, janë rreth 910 mijë persona në Itali?, u shpreh mjeku.

Edhe imunitetin e tufës ai e sheh të mundur vetëm përmes vaksinës.

?Në Itali janë bërë disa studime. Në disa zona si Lombardia rreth 20% e kanë kaluar Covidin, në disa zona është më i ulët, sidomos jugu. Ajo që do të na çojë në imunitetin e tufës janë vaksinat. Pretendojmë të arrijmë shifrën 60-850% që do të na çonte në daljen nga pandemia dhe kthimin në jetët tona?, tha ai./CNA.al





Lajmet e fundit nga