web counter
LEXO PA REKLAMA!

SHKARKO APP

App Store
Google Play

E fundit!

x

Rritet çmimi i gazit me 20%/ Askush nuk flet

14 Janar 2021, 09:52, Aktualitet CNA

Përveç rritjes së çmimit të naftës, ku Shqipëria kryeson listën e shteteve të Ballkanit për naftën më të shtrenjtë, duket se një rritje ka pësuar edhe gazi.

Konsumatorët e gazit kanë denoncuar këtë fenomen, i cili në Tiranë është kthyer në një shqetësim për të gjithë. Para 3-4 ditësh, në të gjitha pikat e karburantit në kryeqytet çmimi i gazit është rritur me 20% brenda ditës, ndërkohë që nga ana e institucioneve nuk ka asnjë reagim.

Shqetësimi nuk është ngritur vetëm nga konsumatorët e automjeteve, por edhe nga familjarët, pasi rritje ka pësuar edhe gazi që shumë famije shqiptare e përdorin për gatim.

Shqipëria rezulton të jetë një ndër vendet me çmimin më të lartë të karburanteve në botë duke ndikuar direkt në ekonomitë familjare por edhe në biznese.

Përqëndrimi i pothuajse tërësisht zinxhirit të tregut që nga importi, shkarkimi në porte shitja me shumicë dhe pakicë në pak duar kanë çuar në një situatë ku ka shenja të forta të mungesë së konkurrencës. Në Tetor të vitit të kaluar autoriteti i konkurrencës ka vendosur të hapë një hetim paraprak për Tregun e ngarkim-shkarkimit, importit, depozitimit, shitjes me shumicë të karburanteve, por deri tani nuk është bërë asnjë hetim apo lëvizje, duke lënë të lira pikat e karburantit të ndryshojnë çmimet sipas qejfit të tyre./CNA.al





Lajmet e fundit nga