E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Gjoba e Celibashit, si pyetje për provimin e maturës

15 Janar 2021, 09:23, Politikë CNA

Dje Komisioneri Shtetëror i Zgjedhjeve, vendosi të vendosë një masë administrative, gjobë ndaj një zyrtari të një drejtorie rajonale diku në një qark të Shqipërisë.

Deri këtu duket sikur Komisioneri po funksionon. Kodi Zgjedhor e ka trajtuar si të parin e Komisionerëve Zgjedhorë, ndaj dhe e ka nominuar Komisioner Shtetëror të Zgjedhjeve. Është për këtë shkak që të parit të Komisionerëve, Kodi i ka dhënë edhe kompetenca administrative të marrjes se masave ndëshkimore, sanksione me gjobë ndaj shkelësve të rregullave të Kodit Zgjedhor.

Ndryshe nga Komisionerët e tjerë që funksionojnë vetëm kur komisionet zgjedhore lokale janë të mbledhura, Komisioneri Shtetëror i Zgjedhjeve, duhet të funksionojë gjatë gjithë vitit, ndaj paguhet nga Janari deri ne Dhjetor. Dje Komisioneri fulltime, funksionoi dhe nxorri nje urdhër administrativ për sanksion me gjobë.

Për sqarim:
Ka me dhjetra drejtues të organeve administrative që kanë kompetenca të miratimit të sanksioneve administrative. Komisioneri i Zhjedhjeve nuk është as i pari as i fundit e aq më pak të jetë i vetmi i llojit “organ monokratik me kompetenca ndëshkimi ndaj shkelësve”.
Edhe ata të tjerët funksionojne gjatë gjithë vitit, nga Janari deri në Dhjetor. Ata thjesht nuk dalin në TV live gjatë aktit të nënshkrimit të vendimit apo urdhërit që ndëshkon dikë me gjobë. Dhe ky nuk është ndryshim i parëndësishëm!

Sipas Kodit Zgjedhor:

Komisioneri Shtetëror i Zgjedhjeve
1- monitoron nëpërmjet administratës së KQZ-së apo subjekteve të kontraktuara sjelljen
e institucioneve publike gjatë fushatës dhe përdorimin e burimeve publike.
2- kujdeset për zbatimin e Kodit në mënyrë të drejtë, të përpiktë, të saktë dhe
uniforme nga të gjitha institucionet, subjektet apo personat e ngarkuar me detyra dhe
detyrime.

Nga ana tjetër:

– KQZ-ja nxjerr udhëzime të hollësishme për të përcaktuar përdorimin dhe shpërdorimin e burimeve publike.(neni 91)
– Rregullat për shqyrtimin, kryesisht ose me kërkesë, të rasteve që mund të formojnë keqpërdorim të burimeve shtetërore, miratohen nga KQZ-ja me akt normativ.(neni 92)
– Kriteret dhe procedurat e hollësishme për funksionimin dhe mirëmbajtjen e
portalit të KQZ, procedurat e hetimit administrativ dhe afatet e tij, si dhe konkluzionet qe duhet të arrihen në përfundim të tij përcaktohen me akt normativ të KQZ-së.(neni 92.5)

I marrim me rradhë:
Komisioni Rregullator ka miratuar një akt që pretendon se detajon Kodin për aq sa kërkohet. (Lexoni vetë aktin në faqen e KQZ dhe shihni se çfarë nuk ka bërë KQZ nga sa kërkohet nga Kodi). Shkelja e sanksionuar me gjobë administrative, lidhej me një rast të shperndarjes së çertifikatave të pronësisë nga një deputet! Gjoba e Celibashit ka shkuar për zyrtarin që ka firmosur çertifikatat!!!

CNA.al verifikoi tekstin e aktit rregullator të miratuar nga KRr (Komisioni Rregullator) i KQZ. Nuk gjetëm asnjë rresht që të justifikojë një gjobë të vënë ndaj një personi që nuk kryen aktivisht shkeljen si në rastin konkret.
Deputeti qe ka shperndare çertifikatat nuk ndëshkohet nga akti i Celibashit. Ndëshkohet zyrtari qe ka nënshkruar çertifikatën!
Deputeti qe ka organizuar veprimtarinë, ka thirrur kamerat, ka përgatitur “fjalimin” është inekzistent për të parin e Komisionerëve të Shqipërisë. Dhe ky trajtim si inekzistent nuk shpjegohet, nuk demonstrohet me shembuj dhe as përkufizohet gjëkundi, as në Kodin Zgjedhor, as në aktin rregullator që Celibashi i ka përcjellë KRr të KQZ si draft dhe ata e kane miratuar si Vendim!
Për shkeljen dënimi me gjobë shkon nga 1.000 deri në 2.500 lekë, (Neni 171) dhe tek masa e gkobës Kodi është lexuar qartë. Vlera e gjobës së vendosur ka qenë 1.500 lekë.

Por pse nuk është ndëshkuar ai ose edhe ai që të gjitë njerëzit pane që doli në Tv!

Nëse do ish provim mature do mund të formulonim disa teza.
Teza 1

Shumë janë drejtuesit e org administrative që vendosin sanksione me gjobë por vetëm Komisioneri Celibashi e ben këtë live në TV. Pse ndodh kjo?
a) ata të tjerët lexojnë vetëm Kodin e Procedurave Administrative dhe ju duket vetja të parëndësishëm;
b) ata të tjerët nuk kanë tavolinë të bardhë me 5 karrike dhe me mikrofona e sistem fonie gjithmonë të gatshëm;
c) ata të tjerët nuk kanë staf që ta ulin përballë vetes për të justifikuar daljen në TV;
ç) ata të tjerët nuk vuajnë nga vaniteti në përmasat e duhura;
d) ata nuk e dinë efektin e daljes në TV ndaj i ruajnë zahiretë veç për dimër.

Teza 2

Komisioneri ndëshkoi me gjobë njeriun që nuk doli në TV.
Çfarë ka dashur të na kumtojë i pari i Komisionerëve të Shqipërisë me mosndëshkimin e atija që doli realisht në TV:
a) deputeti aq di aq bën ndaj nuk e ndëshkon as perëndia;
b) deputeti bëri atë që e urdheroi nënshkruesi i çertifikatave;
c) masa e gjobës nga 1.000 deri 2.500 lekë nuk është e denjë për një deputet;
ç) KRr ish i paqartë te rregullorja e miratuar nda Komisioneri ja futi sipas mendhes së vet;
c) kush del në TV nuk ndëshkohet e ha vetëm ai që punon.
Zgjedhja për ju të dashur lexues!/CNA.al