E fundit!

12:42 Aktualitet

Operacioni i BKH-së pa praninë e Policisë së Shtetit/ Flet kreu i BKH-së, Joni Keta

Kreu i BKH-së Joni Keta ka folur për operacionin ku u arre...

Basha rrezikon të humbasë 2 aleatë?/ Mediu pa pakt, Idrizi i dorëzon PD-së shifrat e 2017-ës

15 Janar 2021, 19:21, Politikë CNA

Aksionin e tij politik në 8 vitet e opozitës, Lulzim Basha e ka ndarë me aleatët e tij tradicional. Edhe vendimet e forta politike për djegien e mandateve apo bojkotin e zgjedhjeve vendore e dakordësoi me ta. Por kur kanë ngelur edhe 100 ditë nga zgjedhjet e 25 prillit, negociatat me aleatët historik apo edhe me të tjerët që i?u bashkuan opozitës pas vitit 2017 nuk po rezultojnë aspak të lehta.

Kryerepublikani Fatmir Mediu ndryshe nga kryetarët e tjerë të partive që i përmbushën pritshmëritë duke siguruar mandate e tyre, ambicien personale por edhe për forcën që drejton e ka më të madhe. Grupi negociator i ngritur në PD për negocimin për marrëveshjet me aleatët po punon për të bindur kreun e Partisë Republikane për t?i dhënë një mandat të sigurt në Tiranë.

Por kreun i republikanëve ka paraqitur në selinë blu, historikun e votave për forcën e tij politike në zgjedhjet e 2005, 2009 dhe 2013. Mediu është i bindur se PR meriton dy vende të sigurta në listën e PD në Tiranë dhe një tjetër vend në listat e Fierit. Për aq kohë sa palët nuk kanë rënë dakort për këtë nivel përfaqësimi fleta e marrëveshjes parazgjedhore ka mbetur pa firmë.

Por në tryezës e negociatorëve Paloka, Bardhi dhe Rushaj është vendosur edhe historiku i votave të PDIU-së nga Shpëtim Idrizi. Edhe kreu i çamëve nuk pranon që forca e tij politike të trajtohet si parti-kryetar, duke sjellë në vëmendje plot 76.064 që PDIU mori në 2017 kur garoi e vetme pa qenë pjesë e asnjë koalicioni.

Shpëtim Idrizi pritet të mos dalë nga negociatat pa tre emra të sigurt në listat e Partisë Demokratike, prej të cilave 2 mandate do të kërkohen në kryeqytet dhe 1 tjetër në Fier. Ditët e ardhshme, Lulzim Basha do të duhet që të përmbush pritshmëritë e aleatëve për vende të sigurta, t?i dërgoj demokratëve krerët e qarqeve që do t?i drejtojnë në fushatë por edhe të ngjall shpresë tek shqiptarët, të cilët është i bindur se do t?i qeverisë pas 25 prillit./ Abcnews.al