web counter
LEXO PA REKLAMA!

SHKARKO APP

App Store
Google Play

E fundit!

x

Çështja e detit/ Bushati: S’ka shkelje, dekreti i Greqisë nuk cënon Shqipërinë

11 Janar 2021, 21:40, Politikë CNA

Ish-ministri i Punëve të Jashtme, Ditmir Bushati, foli mbrëmjen e sotme për çështjen e detit, që vijon të ngjallë debat.

Bushati tregoi se nuk ishte aspak e lehtë të uleshe me Greqinë në tavolinë, ndërsa theksoi se dekreti i shtetit fqinj për 12 milje në detin Jon, nuk e cënon sigurinë kombëtare të Shqipërisë.

?Në 2014-ën Rama dhe Samaras i dhanë dritë jeshile për të diskutuar më tej. Kur i kam numëruar një ditë diskutimet politike në nivel ministrat të jashtëm kanë qenë mbi 52 diskutime. Dinamika ka qenë e jashtëzakonshme. Jemi bazuar tek parimet politike. Tani jemi përballë një fakti se nuk është gjetur gjuha në negociata. Se di nëse ka pasur një raund të 4 pasi unë e kam lënë 3. Deri sa është rënë dakord për të shkuar drejt Gjykatës Ndërkombëtare, kuptohet se nuk po transferohen përgjegjësitë. S?jam zëdhënësi i Greqisë as avokati i saj (Kur pyetet për dekretin për 12 miljet).

Thuhet se Greqia me dekret merr 12 milje dhe futet në detin shqiptar. Në 2009 Shqipëria i njeh parimin e 12 miljeve Greqisë. Ky është fakt publik. Gjykata Kushtetuese këtë gjë që u bë në 2009 e ka thënë qartë; ?Është tejkalim nga ana e Shqipërisë i të drejtës ndërkombëtare?. Në 25 prill doli ky dekret që do të diskutohet në parlament. Ky vend ka ministri Mbrojtje, flotë detare. Nëse cënohet siguria kombëtare e Shqipërisë, ajo ka mekanizmat për të kundërshtuar këtë gjë. Por në gjykimin tim nuk më rezulton se kemi të bëjmë në shkelje në kurriz të Shqipërisë. Shpreh bindjen time për këtë çështje?, u shpreh ai në emisionin ?Real Story?.

Socialisti nënvizoi se Shqipëria dhe Greqia do të ulen sërish për të negociuar se për çfarë do të shkojnë në gjykatë./ CNA.al





Lajmet e fundit nga