web counter
LEXO PA REKLAMA!

SHKARKO APP

App Store
Google Play

Përmbytjet nga shiu/ Bushati: Raportimi i vërtetë, shteti është në këmbë

11 Janar 2021, 21:25, Politikë CNA

Ish-ministri për Europën dhe Punët e Jashtme, Ditmir Bushati, ka folur mbrëmjen e sotme për përmbytjet e shkaktuara nga reshjet e dendura të shiut.

Bushati shprehu solidaritetin për banorët e përmbytur dhe deklaroi se strukturat shtetërore, emergjencat civile dhe pushteti vendor po marrin masa për këtë situatë.

Ai deklaroi në emisionin ?Real Story? se shteti është në këmbë me të gjitha mundësitë dhe kapacitetet që ka.

?Më lejoni të shpreh solidaritetin me gjithë banorët që po kalojnë ditë të vështira, por dhe me gjithë strukturat shtetërore, emergjencat civile, pushtetin vendor që po përballen me këtë situatë të vështirë. Ishte një raportim i vërtetë. Janë bërë disa investime, është krijuar një agjenci e posaçme, por duhet të kuptojmë se nga njëra anë nuk e kemi ne në dorë ligjësinë e natyrës dhe nga ana tjetër raporti ynë me tokën nuk ka qenë më i miri i mundshëm.

E rëndësishme është që të kemi një përqasje sa më të drejtë për këto fenomene. Nga kontaktet që kam pasur me njerëz në Shkodër, situata është më mirë se çka qenë, por jam dakord me ju që pamjet që pamë janë pamje të vështira. Por duhet thënë që shteti me mundësitë dhe kapacitetet që ka është në këmbë. Ne si politikanë duhet të mendojmë si ta bëjmë më mirë këtë punë?, theksoi ish-ministri./ CNA.al





Lajmet e fundit nga