Përmbytjet/ Shehu vë Ramën para përgjegjësisë: Mos u fshih pas së shkuarës

10 Janar 2021, 19:21, Politikë CNA

Vendi ynë prej disa ditësh është një situatë të rënduar nga përmbytjet në qytete të ndryshme të Shqipërisë.

Ish-deputeti i Partisë Demokratike, Tritan Shehu, ka reaguar për situatën e pazakontë në vend, të krijuar nga përmbytjet për shkak të reshjeve të shiut.

Shehu ka vënë qeverinë para përgjegjësisë, teksa ngre akuzat se kjo e fundit nuk ka investuar në infrastrukturë.

“Qeveria duhet të merrte masa që mos të ndodhnin këto përmbytje me 2 pika shi. Që të jemi realistë me dy pika shi nuk ka pse të ndodhin përmbytje në Shqipëri. Nëse kjo qeveri do kishte punuar me infrastrukturën, në mbrojtje, në sistemimin e lumenjve, në luftën e erozionit dhe të gjitha ato elementë që lidhen më përmbytjet. Nuk u punua, nuk u bë asnjë investim.

Marr përshembull qarkun e Gjirokastrës ku sot Fusha e Dropullit është e tëra nën ujë. Ku sektorë të tërë rrugorë enden në ujë. Ku pjesë të mëdha të zonave të kultivuara enden në ujë. Ku komunikimi është ndërprerë në shumicë të madhe vendesh. Çfarë është bërë në këto vite? Asnjë investim. Ashtu siç është në Gjirokastër është në çdo vend të Shqipërisë?, u shpreh ai në Ora News.

Sipas tij, kryeministri Edi Rama duhet të japë llogari për premtimet e bëra në vitin 2013, kur tha se brenda një viti nuk do kishte më përmbytje.

?Rama ka deklaruar përpara zgjedhjeve në 2013 që brenda një viti nuk do kishte më përmbytje. Ka 8 vite kjo qeverisje ka pasur disa përmbytje në vit që ka dëme shumë të mëdha për qytetarët shqiptare. Përmbytje të pajustifikuara, të pa menaxhuara. Rama flet sikur sot ka ardhur në qeverisje. Është një dështim i plotë i kësaj qeverie dhe në këtë plan ashtu si dhe në planin ekonomik, shëndetësor e me radhë. Kanë kaluar 8 vite dhe Rama duhet të mbajë përgjigje për premtimet e veta jo të fshihet pas asaj që mund të ketë ndodhur 8 ose 12 vite para?, theksoi ai./ CNA.al