Përhapja e Covid-19 në shkolla/ Basha me gjimnazistët: Nuk u mor asnjë masë

4 Janar 2021, 11:41, Politikë CNA

Kryetari i PD, Lulzim basha ka zhvilluar një bashkëbisedim me një grup gjimnazistësh me të cilët diskutoi problematikat e arsimit parauniversitar. Shqetësimi i parë që ngritën gjimnazistët ishte ai i pandemisë së COVID-19.

Gjimnazisti Samuel Basha tha: “ Zoti Basha përshëndetje, unë quhem Samuel Basha. Jam maturant në gjimnazin ?Petro Nini Luarasi? dhe doja të shtoja diçka në lidhje me problemin e COVID-it nëpër shkolla. Kam vënë re se nuk njoftohemi, duke na vënë në rrezik ne, familjarët tonë dhe gjithashtu duke u kthyer në vatër infeksioni.”

Për këtë shqetësim, Basha tha: “Është një problem i përsëritur. E dëgjoj kudo. Dhe padyshim një nga gjërat e para që duheshin marrë, masat e para që duheshin marrë, duhet të ishte siguria shkollave.
Ndoshta e mbani mend më 29 shtator, kur ne shpalosëm një plan me 5 hapa kundër krizës dhe hapi i dytë pas shëndetësisë që kishte të bënte me spitalet dhe me të sëmurët, kishte të bënte me arsimin. Që shkollat tona t?i bënim të sigurta. Dhe propozuam disa hapa.

Hapi i parë: Testimin masiv dhe pastaj periodik të mësuesve.

Hapi i dytë, subvencionimin e plotë dhe mbikqyrjen e dezinfektimit periodik të ambienteve shkollore.

Hapi i tretë, vaksinimi masiv për gripin sezonal që të mos i mbivendosej komplikacioneve që sjell pastaj infektimi me koronavirus. Dhe po kështu pajisja me ato mjetet mbrojtëse që nga dezinfektanti, tek maskat sepse shumica dërrmuese e familjeve shqiptare e kanë të vështirë, shumë prej tyre të pamundur t?i sigurojnë ato.
Me marrjen e këtyre masave, sigurisht nuk do ta eleminonim tërësisht rrezikun, por jam i bindur që do të reduktojë në mënyrë të ndjeshme. Asnjë prej këtyre masave nuk u mor dhe s?ka si të merret nga një qeveri që prej 7 vite në pushtet nuk ka siguruar as ujë të rrjedhshëm.
Në 70% të shkollave të Shqipërisë nuk ka ujë të rrjedhshëm ku hapi i parë kundër pandemisë, por hapi i parë edhe për higjenën personale, është larja e duarve edhe pa pandeminë.
Megjithatë dua t?ju them se këto dështime dhe pastaj përgjigjet pa plan, kaotike siç ishte ajo e kalimit nga regjimi normal mësimor në rregjimin e pjesshëm, që ndodhi brenda 24 orëve, kur 24 orë më parë kryeministri tha nuk ka problem, shkollat kështu siç janë, pas 24 orësh del ministria vetë dhe tha jo duhet mbyllur dhe duhet filluar pjesërisht, këto do të marrin fund.”