web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet e 30 qershorit, Teatri dhe Kodi Zgjedhor/ Këto janë dosjet që do shqyrtojë Kushtetuesja dhe që do ndikojnë politikën

3 Janar 2021, 13:51, Aktualitet CNA

Gjykata Kushtetuese do të duhet të përballet gjatë këtij viti me një sërë sfidash të rëndësishme.

2021-shi është një vit zgjedhor dhe roli i Kushtetueses do të jetë shumë i rëndësishëm. Kjo gjykatë u bë funksionale pas dy viteve dhe aktualisht ka 7 anëtarë nga  që duhet të ketë në total.

Ata pritet të mblidhen javën e ardhshme për të vendosur procedurat që do të ndjekin në shqyrtimin e dosjeve, të cilat nuk janë trajtuar prej më shumë se dy vitesh.

Pas betimit të anëtares më të re Sonila Bejtja përmes një deklarate për mediat është bërë e ditur se në ditët e para të janarit do të zhvillohet mbledhja e gjyqtarëve për shqyrtimin e çështjeve që ka në kompetencë si dhe për organizimin pas kësaj do të përcaktohen dhe dosjet e para që do të kalojnë në seancë.

Ndër çështjet më të debatueshme janë ato mbi zgjedhjet e 30 qershorit, e ankimuar nga kryebashkiakja e Shkodrës, Voltana Ademi, dosja e Teatrit e ankimuar nga presidenti Meta dhe artistët, Kodi Zgjedhor i ankimuar së fundi nga opozita parlamentare.

Në të tre rastet ndikimi do të jetë i drejtëpërdrejtë te të gjitha palët, ku sërish do të jetë politika që do të testohet nëse do të respektojë verdiktin apo do ti rikthehet paragjykimit të drejtësisë.

Por po ashtu një tjetër temë është dhe sqarimi i kompetencave të Presidentit, i cili nuk pranoi të dekretonte emrin e ministrit Gent Cakaj.

Jo me më pak vlerë janë dhe vënia e peshores mes përplasjeve të institucioneve, çështjet e pronave apo ato që kanë të bëjnë me vetë drejtësinë.

Deri më tani trupa ka funksionuar me vetëm 5 anëtarë, ku në Dhomën e Këshillimit çështjet ose janë pranuar për të vazhduar shqyrtimin ose janë rrëzuar.

Për kalimin në seancë janë rreth 35 dosje, ndërsa dhe 25 të tjera janë në shqyrtim./CNA.al





Lajmet e fundit nga