E fundit!

09:19 Denoncim

Financimi i kullës së Ervin Matës/ Plug: Mbi 28 milionë euro autofaturime për kompanitë e lidhura me Vilma Nushin

Pas denoncimit të parë, emisioni Plug ka vijuar sërish inv...

Vrasja e dy motrave në Astir/ Flet fqinja: Kishte një çun jetim, punonte si...

31 Dhjetor 2020, 18:35, Kronika CNA

Një ngjarje tragjike ndodhi mëngjesin e sotëm në zonën e Astirit, ku u ekzekutuan dy motra nga Përparim Ademi. Fqinja e Zhanetës, e cila bashkëjetonte prej vitesh me autorin thotë se nuk dinte nëse kanë pasur konflikte.

Duke folur para medieve, u shpreh se Zhaneta kishte një djalë me burrin e parë dhe punonte si kameriere për të siguruar të ardhura për familjen.

?Zhanetën e njihja që ka pasur jetuar këtu, ndërsa motrën tjetër jo. Unë kam 3 vjet që kam ardhur për vete, i kam gjetur këtu. Përparimin e kisha parë kështu, por se njoh. Unë isha te çuni kur erdha u habita thashë se ça ka ndodhur. Nuk e di nëse kanë pasur konflikte apo jo. Ajo goca gjynah ishte shumë punëtore, ajo e shkreta kishte një çun jetim dhe shkonte dhe punonte si kamariere më duket. Zhaneta e ka pasur me duket një çun ka me burrin e parë, jo me këtë se më ketë bashkëjetonte. Me motrën nuk jetonte, kjo vinte e vizitonte shpesh?, tregon fqinja.

Në dëshminë e tij në polici, Përparim Tela (Ademi) është shprehur se ka pasur konflikte të vazhdueshme me bashkëjetuesen e tij Kristina Bardhi, dhe për këtë arsye ka qëlluar ndaj saj dhe të motrës, Zhaneta Metani.

Tela ka thënë se kishte dyshime se Kristina e tradhëtonte dhe përpara oficerëve të policisë gjyqësore është shprehur se aktin e rëndë e ka ndërmarrë për shkak të xhelozisë.

Gjithashtu ai ka shtuar se nuk ka pasur si qëllim ti largohej drejtësisë, por se do të vetëdorzohej në polici për tu përballur me drejtësinë. Kjo hedh poshtë dhe pretendimet e policisë së Tiranës se arrestimi i tij u bë pas një presioni të jashtëzakonshëm nga ana e tyre.

Kristina Bardhi dhe Zhaneta Metani, ishin në banesën e tyre paraditen e sotme, së bashku me dy fëmijët e njërës prej tyre kur u qëlluan për vdêkje nga Përparim Tela (Ademi), dhe bashkëjetonte prej disa vitesh me Kristinën, ndërsa kjo e fundit i kishte kërkuar ndarjen, dhe kjo duhet se është bërë shkak dhe për konfliktin me pasoja kaq të rënda./CNA.al