web counter
LEXO PA REKLAMA!

SHKARKO APP

App Store
Google Play

Lëvizja Vetëvendosje në Shqipëri: Do angazhohemi në zgjedhje, qytetarët të propozojnë kandidatët

30 Dhjetor 2020, 16:50, Aktualitet CNA

Lëvizja Vetëvendosje në Shqipëri thotë se do të përpiqet të garojë në zgjedhjet e 25 prillit duke mbështetur kandidatë, si brenda strukturave ashtu dhe jashtë saj. Me një shënim në faqen zyrtare në “Facebook”, VV-ja në Shqipëri thotë se ky hap synon të sjellë një ndryshim të thellë në ekonomi, drejtësi dhe në fushën e zbatimit të ligjit.

Ajo shprehet se qytetarët kanë të drejtë të bëhen bashkë për të propozuar ato kandidatë, të cilët mendojnë se i përfaqësojnë të drejtat e tyre. Siç thekson VV-ja, zyrtarizmi i kandidaturës kërkon minimalisht mbledhjen e 3000 nënshkrimeve, ndërsa ky proces shton ajo do të nisë në mesin e muajit janar.

?Në secilën prej 12 zonave (qarqeve) zgjedhore të Shqipërisë, qytetarët kanë të drejtën të bëhen bashkë për të propozuar kandidatë nga zgjedhësit. Nëntë qytetarë të një zone zgjedhore kanë të drejtën të çojnë përpara në KQZ kandidaturën për një deputet. Zyrtarizimi i kësaj kandidature bëhet përmes grumbullimit të 3.000 nënshkrimeve, duke nisur nga mesi i muajit janar 2021?,  thekson VV-ja.

Ajo thotë mes tjerash se kandidatë në 12 qarqet mund të jenë qytetarë, të cilët nuk janë anëtarë, por që pranojnë të bashkohen në ngritjen e një lëvizjeje, që sipas VV-së synon “çarjen e sitemit bipolar të instaluar në 30 vitet e fundit”.

?Lëvizja VETËVENDOSJE! Qendra në Shqipëri do të mbështesë të gjithë ata qytetarë, në cilëndo prej 12 zonave elektorale të Shqipërisë, që synojnë ta çojnë përpara këtë alternativë duke krijuar një lëvizje më të gjerë shoqërore. Kandidatët mund të jenë anëtarë të Lëvizjes VETËVENDOSJE! por edhe qytetarë që nuk janë anëtarë e bashkohen në ngritjen e një lëvizjeje e cila e çan sistemin bipolar të këtyre 30 viteve dhe ndërthur çështjen kombëtare me luftën kundër pabarazive ekstreme?, thuhet në njoftim./CNA.al





Lajmet e fundit nga