web counter
LEXO PA REKLAMA!

SHKARKO APP

App Store
Google Play

“2020-ta viti më i keq”/ Lubonja: Ishte një lloj burgu, iu shtua edhe trauma e Teatrit

30 Dhjetor 2020, 19:41, Politikë CNA

Analisti Fatos Lubonja, e cilësoi 2020-ën si një vit më të keq sesa 2019-ta.

Lubonja tha se ndikuar nga pandemia, ky vit i ka krijuar njerëzve ndjesinë e burgut politik që ka kaluar, duke qenë se u mbyllën shkollat, kishat, institucionet dhe u bllokua lëvizja.

?2020 ishte vit më i keq se vitet më parë. Peshën kryesore besoj e zë Covid-19, që na bëri që të dorëzojmë shumë dimensione tonat njerëzore. Na u privuan liritë e lëvizjes, u mbyllën kishat, shkollat, edhe parlamentit madje, me aq sa kemi. Edhe aty u ndjemë më të kufizuar. Ishte një lloj burgu nga frika e koronavirusit. Shumë e kanë provuar me vdekjen e njerëzve të dashur, me rënien ekonomike të një pjese të mirë, depresionet, të gjitha këto janë pjesë e kësaj shoqërie. Në këtë kuptim, 2020 ka qenë vit i keq. Shto edhe mbylljen e egër, pa arsye, që është në kontrast me çfarë ndodh tani. Shto edhe traumën e teatrit. Kjo është pjesë e historisë së një viti shumë të keq?, u shpreh ai në News 24.

Analisti ngriti akuzat se qeveria ka dështuar  me menaxhimin e pandemisë, ndërsa pretendon se kjo është një histori dështimi.

?Mbyllja e parë e kufizoi, kurse tani nuk ka mbyllje, ka imunitet tufe tashmë. Unë shkova dje tek një qendër tregtare, aty ishte batërdi njerëzish. Restorantet te ne janë hapur, nuk kemi kujdes. Thuhet se 20 për qind e të infektuarve bëhen rëndë, një 5 përqindësh bëhet rëndë fare. Shifrat që jep shteti për vdekjet nga koronavirusi janë të dyshimta.

Kjo është histori dështimi total. Në Gjermani, kur vdiqën 500 vetë, qanë dhe u shprehën ishte dramë e madhe. Rama tha se ishte një triumf. I vetmi vend që nuk dihet se kur do vijnë vaksinat. Kush ka lekë ikën në Itali e Turqi. Është për të vënë ulërimën. Bota kujdeset për çdo njeri, që të mund të shpëtojë çdokënd. Ekonomia jonë shkon për 10-20 vetë?, deklaroi Lubonja./ CNA.al





Lajmet e fundit nga