web counter
LEXO PA REKLAMA!

SHKARKO APP

App Store
Google Play

Frikësohej se mund të kishte të njëjtin fat si nëna e saj/ Rita Ora bën rrëfimin prekës

27 Dhjetor 2020, 12:04, Lifestyle CNA

Mamaja e këngëtares Rita Ora, Vera, në vitin 2005 u diagnostikua me kancer gjiri dhe lufta e saj me sëmundjen nuk ka qenë aspak e lehtë.

Këngëtarja ka treguar se sëmundja e nënës së saj ka ndikuar shumë tek ajo dhe për shumë kohë frikësohej se mos kishte të njëjtin fat si e ëma.

Gjatë një interviste për The Sun, ajo është shprehur:

?Thonë shikoni mos keni ndonjë kokërr në gjoks, por nëna ime nuk kishte, ajo kishte thjesht një dhimbje të fortë dhe sërish shkoi e u kontrollua. Unë kam bërë testin BRCA (testin e trashëgueshëm të kancerit të gjirit) dhe testin e gjenit dhe për fat të mirë, nuk e kam gjenin. Por gjithsesi unë sërish kontrollohem rregullisht. Gjenteikisht, ne nuk kemi pasur ndonjë histori me kancer gjiri në familje përpara nënës sime, por ajo sërish u diagnostikua me të. Ka shumë video online që të ndihmojnë dhe që unë i kam përdorur. Duhet të jeni të informuar për trupin tuaj?, ka treguar Rita.

Vera u diagnostikua me një formë agresive të sëmundjes, dhe pas kimioterapisë dhe rrezatimit, bëri një mastektomi të pjesshme. Rita ka pranuar se gjatë të 20-tave të saj ka qenë shumë e shqetësuar se mund të diagnostikohej edhe ajo me kancer gjiri. Këngëtarja gjithashtu ka treguar se ushtrohet dhe bën terapi që mos të ketë atake ankthi./ CNA.al





Lajmet e fundit nga