web counter
LEXO PA REKLAMA!

SHKARKO APP

App Store
Google Play

Foto- Arratia zgjati vetëm disa orë/ Ky është i riu që terrorizoi Korçën për Krishtlindje

25 Dhjetor 2020, 15:19, Kronika CNA

Arrestohet 19-vjeçari që terrorizoi qytetin e Korçës mëngjesin e sotëm duke qëlluar me armë zjarri në ajër pas një konflikti me dy bashkëmoshatarë. I arrestuari është Emiljano Sali.

Mësohet se 19 vjeçarit i është sekuestruar edhe makina me të cilën u largua duke u arratisur nga vendi i ngjarjes, por vetëm për pak orë, pasi përfundoi pas hekurave.

Ngjarja ndodhi në lagjen nr. 17 të qytetit, ndërsa fatmirësisht nga të shtënat nuk pati të lënduar. Ishin banorët ata të cilët lajmëruan menjëherë policinë të frikësuar.

“Qëlloi në ajër me armë zjarri, kapet dhe arrestohet autori i dyshuar i ngjarjes së ndodhur paraditen e sotme në lagjen nr. 17, Korçë.

Sekuestrohet arma e zjarrit tip automatike, të cilën e posedonte pa leje.

Shërbimet e Komisariatit të Policisë Korçë, në vijim të punës për zbardhjen dhe dokumentimin e ngjarjes së ndodhur ditën e sotme në lagjen nr. 17, Korçë, si edhe nga informacione të siguruara në rrugë policore, bënë të mundur kapjen dhe arrestimin në flagrancë të shtetasit E. S., 19 vjeç, banues në Korçë.

Shtetasi i mësipërm, u kap nga forcat e policisë në lagjen nr. 9, Korçë, me mjetin tip “Benz”, i cili për t’iu shmangur përgjegjësisë ligjore, kishte hedhur armën e zjarrit tip automatike, që dyshohet se përdori në ngjarje, në një depozitë uji.

Arma e zjarrit së bashku me automjetin u sekuestruan në cilësinë e provës materiale.

Materialet në ngarkim të tij i kaluan Prokurorisë pranë Gjykatës së Shkallës së Parë Korçë për veprime të mëtejshme”, thuhet në njoftimin e Policisë./CNA.al





Lajmet e fundit nga