web counter
LEXO PA REKLAMA!

SHKARKO APP

App Store
Google Play

E fundit!

x

Pioli diplomat: Për titull janë Interi dhe Juventusi

24 Dhjetor 2020, 08:20, Sport CNA

Milani i vitit 2020 ka regjistruar dyfishin e pikëve të vitit kalendarik 2019 dhe kjo tregon shumë se çfarë ka arritur Stefano Pioli në drejtimin e kuqezinjve. Por trajneri, pasi ka mbyllur vitin me skuadrën e tij në vendin e parë, frenon entuziazmin pasi pretendon që ekipi nuk është ende gati për të luftuar për titullin dhe nuk duhet ta ketë mendjen aty.

?Çfarë note i jap vitit? Shumë të lartë, për të gjithë ambientin te Milani. Deshëm të fitonim grupin në Ligën e Europës dhe të ishim protagonistë në kampionat. Nuk kemi siguruar ende asgjë, përveç ndërgjegjësimit se si jemi bashkë, që i përkasim një klubi prestigjioz që na bën të ndjehemi mirë. Jemi ende në fillim, një vit është pak për të vendosur disa objektiva të caktuar, por janë themelet për ta bërë një gjë të tillë.

Unë vazhdoj të mbaj entuziazmin e ulët. Juventusi dhe Interi janë favorite për titullin kampion. E tregojnë investimet që janë bërë, historia e lojtarëve dhe kampionateve. Nëse ky klasifikim do të ishte në prill, do të mendojmë gjëra të tjera. Tani mendojmë të fitojmë çdo ndeshje, pastaj të shohim ku mund të arrijmë? tha trajneri i Milanit.





Lajmet e fundit nga