web counter
LEXO PA REKLAMA!

SHKARKO APP

App Store
Google Play

Arbitrim skandaloz/ Vidhet Juventusi, shikoni moviolën e sfidës ndaj Fiorentinës

23 Dhjetor 2020, 10:10, Sport CNA

Për të analizuar gabimet e bëra në Juventus-Fiorentina do të nevojitej një emision më vete, por siç raporton ?Gazzetta dello Sport?, arbitri Federiko La Pena ishte skandaloz. Duke nisur nga minuta e 17-të, kur ndërhyrja prej ?killeri? e Kuadrados u ndëshkua me të verdhë, por vetëm pasi VAR-i e thërriti erdhi i kuqi i kristaltë.

Ndërkohë, me të filluar pjesa e dytë dhe me rezultatin 1-0 për Fiorentinën mungon i verdhi i dytë për Borha Valeron, i cili pasi ishte ndëshkuar në minutën e 47-të, në të 50-ën meritonte të verdhën e dytë, për një ndërhyrje në kohë vonesë ndaj Bentankurit. E pafalshme, pasi mund të ndryshonte rrjedha e takimit. Ndërkohë, në të 57-ën, Ronaldo barazon, por anulimi i golit ishte i drejtë për pozicion jashtë loje.

TË PAKTËN NJË PENALLTI ? Por përveç kartonëve që mungojnë, Juventusi ndihet i vjedhur edhe për dy penallti. Në minutën e 59-të, Ronaldo shtyhet nga prapa nga Kastrovili. Në këtë rast nuk kuptohet sesi VAR-i nuk ndërhyn dhe penalltia ishte më se e drejtë. Por La Pena nuk mjaftohet me kaq dhe në të 76-ën, kur Fiorentina kryesonte 2-0, Juves nuk i jepet një penallti edhe më e pastër se ajo ndaj Ronaldos, pasi portieri Dragovski i përplaset me trup Bernardeskit, duke e rrëzuar në zonë. Thjesht arbitrim skandaloz!





Lajmet e fundit nga