web counter
LEXO PA REKLAMA!

SHKARKO APP

App Store
Google Play

Krimi horror në Itali/ Si u transportuan trupat e copëtuar të çiftit shqiptar

21 Dhjetor 2020, 18:30, Kronika CNA

Janë zbardhur detaje të reja nga krimi horror që tronditi Italinë, ku çifti shqiptar nga Vlora, Shpëtim dhe Teuta Pasho, u gjetën të vrarë dhe të copëtuar brenda disa valixheve.

Ekspertët italianë kanë arritur në konkluzionin se, valixhet me trupat e bashkëshortëve Pasho, janë hedhur në pyll nga një kamionçinë e hapur. Nga kamerat e sigurisë rezulton se kjo makinë ka lëvizur në segmentin Firenze ? Piza.

Nëse hipoteza e përdorimit të një mjeti të tillë rezulton e vërtetë, atëherë duket se janë të përfshirë të paktën dy persona, njëri që drejtonte dhe tjetri që ka hedhur bagazhet nëpër shkurre bri rrugës.

Hetuesit janë duke kontrolluar edhe  të gjithë makinat që familja Pasho ka pasur në pronësi 5 vitet e fundit.

Një tjetër fakt që hetuesit dyshojnë te djali i tyre, është dhe ndryshimi i mbiemrit të Taulantit, i cili ndodhet në një burg të Zvicrës. Rezulton se pas zhdukjes së prindërve, ai ka ndryshuar mbiemrin, nga Pasho në Çela, pas kurorëzimit të martesës në Shqipëri.

Për të zbardhur të kaluarën e Taulantit por edhe pjesëtarëve të tjerë të familjes, policia italiane po bashkëpunon me autoritet shqiptare.

 





Lajmet e fundit nga