E fundit!

20:58 Aktualitet

FOTOLAJM/ Pankartat "pikante" në protestën e 46 kundër qeverisë

Vijon protesta e 46 para Kryeministrisë. Protestuesit vijo...

Historia rrëqethëse e vëllezërve të braktisur në jetimore/ 83-vjeçarja mohon djalin biologjik në mes të emisionit

20 Dhjetor 2020, 14:56, Lifestyle CNA

Historia që është transmetuar ditën e sotme në rubrikën “Ka një mesazh për ty” ka qenë vërtetë prekëse. Motër e vëlla të braktisur nga nëna e tyre vendosin ta kërkojnë atë në ?Ka një mesazh për ty?.

Mirela dhe Arbeni kishin dyshimet se ishin motër e vëlla por nëna e tyre 83-vjeçare e ka mohuar të ketë patur një djalë dhe një vajzë.

Zonja Ismete është shprehur se ka vetëm një djalë, Fatjonin ndërkohë që nga certifikata e siguruar nga stafi reultonte se Arbeni dhe Fatjoni ishin vëllezër, por Mirela nuk ishte motra e tyre.

Arbeni nga ana tjetër, ka treguar se kur ishte fëmijë, zonja Ismete ka shkuar disa herë ta takojë tek shtëpia e fëmijës, dhe më pas kur mbushi 18 vjeç, ai shkoi dhe e takoi pasi kishte fituar rrogën e parë. Që nga ajo ditë Arbeni nuk u takua më kurrë me të ëmën.

Pjesë nga intervista

Gazetari: Zonja Ismete, kush mendon ti se të ka ftuar?

Ismetja: Nuk e di, unë ka 7 vite që nuk dal fare, nuk kemi shtëpi, jemi me qira, unë kam mjekimin.

Gazetari: Sa fëmijë keni juve?

Ismetja: Vetëm një djalë kam unë, Fatjonin.

Gazetari: Nuk keni fëmijë të tjerë?

Ismetja: Jo vetëm Fatjonin.

Gazetari: Po Arbenin?

Ismetja: E kemi kushëri.

Gazetari: Arben Bylykbashin në Shkodër.

Ismetja: Jo e kemi kushëri, e ka Bilibashi, ne e kemi Bylykbashi.

Gazetari: Ky ka lindur në Shkodër.

Ismetja: Unë kam punuar në Shkodër, por nuk kam lindur gjë, më vjen shumë keq, vetëm Fatjonin. Ai që desha unë, nuk më mori sepse ishte i fejuar në djep dhe kishte 6 vëllezër, e vrisnin.

Gazetari: Nuk të kujtohet që e ke takuar këtë Arbenin në Shkodër, në Bushat.

Ismetja: Ky ka ardhur një herë në Korçë dhe e kishin drejtuar për tek unë, thashë more djalë më vjen keq. Po ta kisha unë, nuk kisha frikë. Kjo ka qenë historia ime, e pafat.

Fatjoni: I ka humbur kujtesa, ka bërë një operacion shumë të rëndë. Ka bërë 3 operacione dhe nuk mban mend gjallë në botë./ CNA.al