web counter
LEXO PA REKLAMA!

SHKARKO APP

App Store
Google Play

Bien shifrat e infektimeve në Kosovë/ 8 persona humbin jetën

20 Dhjetor 2020, 15:24, Kosova & Bota CNA

Instituti Kombëtar i Shëndetësisë Publike të Kosovës njofton se gjatë 24 orëve të fundit, tetë pacientë kanë vdekur dhe janë regjistruar 223 raste të reja me COVID-19, sëmundjen që e shkakton koronavirusi i ri.

?Rastet e vdekjes janë nga komunat: Prishtinë 2 raste (66, 63 vjeç), Drenas 1 rast (69 vjeç), Istog 1 rast (74 vjeç), Kamenicë 1 rast (78 vjeç), Mitrovicë 1 rast (66 vjeç), Obiliq 1 rast (70 vjeç) dhe Suharekë 1 rast (65 vjeç)?, thuhet në njoftimin e IKSHPK-së.

Rastet e reja dalin pas testimit të 1.001 mostrave. Siç njofton IKSHPK-ja, gjatë 24 orëve të fundit, po ashtu janë shëruar edhe 342 pacientë.

Që prej 13 marsit, e deri më 20 dhjetor, në Kosovë janë regjistruar 48.905 raste me koronavirus. Prej tyre, 1.256 pacientë kanë vdekur dhe 36.568 të tjerë kanë mposhtur sëmundjen COVID-19. Raste aktive, ndërkaq, vazhdojnë të jenë 11.081.

Ministria e Shëndetësisë u ka bërë sërish thirrje qytetarëve që të zbatojnë distancimin social, higjenën dhe mbajtjen e maskës./CNA.al





Lajmet e fundit nga