E fundit!

12:50 Aktualitet

Vrasja e Martin Canit/ Gjykata e Apelit lë në fuqi dënimin për autorin

Gjykata e Apelit ka lënë në fuqi vendimin për dënimin me 1...

“Mandati i 3, i natyrshëm për PS”/ Ahmetaj tallet me opozitën: Duhet t’i ktheheni tabelës së shumëzimit

17 Dhjetor 2020, 12:48, Politikë CNA

Ministri për Rindërtimin, Arben Ahmetaj deklaroi nga foltorja e Kuvendit se ulja e taksës për biznesin e vogël është një premtim i mbajtur. Gjatë fjalës së tij, Ahmetaj nuk i kurseu ironitë për opozitën.

Teksa ka shtruar disa pyetje që i cilësoi retorike, Ahmetaj ?shigjetoi? kreun e PD-së, duke e quajtur atë komedian.

?Ulja e taksës për biznesin e vogël, premtim i mbajtur. 130 milionë dollarë i janë kursyer familjeve. 106 % rritje. 151 mijë të punësuar në biznesin e vogël. Si u zgjeroja punësimi në një sektor apo ekonomi kur ekonomia bie?! Si shkon punësimi nga 439 mijë në gati 720 mijë? Pyetje retorike për komedianin! Shyqyr që shpëtoi Devolli dhe Kapshtica nga boloria e borieve. Keni dëgjuar këtu bolorinë e oligarkisë. Nën maxhorancën totalisht të majtë, biznesi i madh ka paguar 395 mln dollarë. Çdo qytetar, me shkollë, pa shkollë, i majtë i djathtë, më thoni; cila është maxhoranca që anon për qytetarin e zakonshëm. Lë ta kundërshtojë njeri me meme. Doni fondin e pagave? ! Kjo ishte një nga arsyet për të rrëzuar buxhetin. Fondi i pagave, mjekët dhe infermierët, u vlerësuan për betejën përballë COVID, apo dhe mësuesit. Kemi pasur një flamur, që do ta mbajmë dhe për mandatin e tretë, progresivitetin.

Nëse do të ishit në regjimin e para 2013-ës, për të djathtën ekstreme që punon vetëm për 1 % të shqiptarëve, do kishit paguar 1 mld dollarë më shumë vetëm për taksën e sheshtë. Po i bëj komedianit disa pyetje; nëse në 100 mln dollarë grante janë shpërndarë 74 mln dollarë, sa për qind janë këto?! 2.6% janë?! Sa për qind të shkollave janë këto?! Janë mbi 1 mijë shtëpi që përfundojnë në dhjetor, sa janë këto 2.6? Duhet t?i ktheheni tabelës së shumëzimit?, tha Ahmetaj./CNA.al