E fundit!

11:24 Aktualitet

Emrat/ Kush pritet të marrin drejtimin e policisë në Tiranë, Durrës, Fier, Lezhë, Kukës dhe Vlorë

Mbyllet procesi i vlerësimit për kandidatët që synojnë të ...

Batha realist: Nuk jemi më Tirana e frikshme

17 Dhjetor 2020, 09:14, Sport CNA

Idriz Batha thotë se Tirana e vjetshme nuk është ajo e frikshmja e sezonit të shkuar. Kapiteni i bardhebluve pranon në një intervistë për ?Panorama Sport?, se Tirana këta vit i ka mundësitë për t?u shpallur kampione.

Thotë që Skënderbeu është ndeshja e radhës, ndërsa në Superiore ka ekipe më të forta se Vllaznia e vendit të parë. Batha pranon se është i lumtur me golat që shënon, por për të rëndësi ka skuadra dhe pikët. Në fund, kapiteni pranon se skuadra ka gabuar shumë para portës dhe kjo duhet të ndryshojë sa më shpejt.

Pas shumë javësh vuajtje, për Bathën goli i dytë në kampionat, menjëherë pas ndeshjes me Laçin?
Në fillim është e rëndësishme që fiton skuadra. Golat sigurisht që të japin edhe kënaqësinë e tyre. Ama më vjen mirë për ekipin që po fiton. Skuadra po shprehet më mirë në lojë dhe ka arritur të marrë rezultatin.

Batha është 100 për qind, meqenëse keni kaluar një dëmtim të sikletshëm kohë më parë?
Asnjëherë nuk kënaqem me veten. Kërkoj të bëj më shumë në fushën e lojës, por që tani them të drejtën them se e kam kaluar 100 për qind dëmtimin tim që kisha. Sigurisht ndonjëherë më kujton që është prezent, por e ndiej veten që po përmirësohem dita-ditës.

Drejtuesit, trajneri, tifozët kërkojnë më shumë nga Tirana dhe Batha. E ndieni këtë presion?
Nuk e ndiej këtë lloj presioni. Nuk më tremb presioni. E kam kënaqësi më shumë. Kjo më bën të rritem edhe unë si futbollist dhe të shprehem në maksimumin tim në çdo ndeshje. Unë e shoh pozitivisht presionin e rezultatit.

Në skemën 3-5-2 ndiheni mirë. Ndoshta jeni më pak i tërhequr nga skema e mëparshme?
Jo, nuk mund them se jam më i tërhequr, por jemi më përpara. Kjo skemë, pra 3-5- 2, më pëlqen, sepse kemi shumë pika takimi. Unë lojën e pëlqej me shumë pasa, me shokë afër dhe në këtë mënyrë del edhe loja ime.

Kjo skuadër me këtë grup lojtarësh dhe pa merkato mund të luftojë për titullin kampion?
E kam thënë shpesh, ekipet janë aty-aty dhe me diferenca të vogla. Ekipi i sivjetshëm nuk është skuadra e frikshme e vjetshme, por ka mundësi për ta ruajtur titullin kampion.