E fundit!

14:54 Politikë

"Nuk mjafton produkti formal, por përmbajtja"/ Debat Boçi-Mazniku për afatin e Reformës Territoriale

Këtë të mërkurë po mbahet seanca e radhës e Komisionit të ...

Ish-ministri i Brendshëm bën deklaratën e fortë/ Një pjesë e policisë përdoruese e drogës

16 Dhjetor 2020, 19:22, Kronika CNA

Nga Miçigani i Shteteve të Bashkuara, ish-ministri i Brendshëm Dritan Demiraj komentoi për Euronews Albania protestat për vrasjen e 25-vjeçarit Klodian Rasha, dorëheqjen e ministrit Lleshaj dhe sjelljen e policisë.

Demiraj tha se çështja në fjalë i duhet lënë prokurorisë për t’u hetuar deri në fund, por shqetësuese dhe tejet problematike sipas tij, për të cilën fajësohet ministria e Brendshme dhe policia, është “përpjekja për të fshehur të vërtetën dhe për t?ia hedhur fajin viktimës”.

?Brenda 30 minutave atje u hodh një armë… dënohet personi që u qëllua, njësoj si në rastin e atij djalit të dhunuar te liqeni ku policia u mundua ta justifikojë dhunën duke ia hedhur fajin nënës së djalit [për edukimin e tij],? ? tha Demiraj, i cili e justifikoi dhunën nga policia kryesisht prej ?përdorimit të substancave narkotike të disa prej punonjësve?.

I pyetur se tashmë prokuroria do të ndryshojë akuzën nga vrasje në kufijtë e vetëmbrojtjes në vrasje me dashje dhe nëse kjo erdhi si pasojë e trysnisë së protestave, Demiraj tha se ?tashmë nuk mundej më të fshihej ngjarja?.

Demiraj iu drejtua me një këshillë në formë apeli direkt ndaj ministrit të ardhshëm të Brendshëm, Bledi Çuçi, se duhet të bëjë një test anti-drogë ndaj punonjësve të policisë së shtetit.

?Bëj apel që ministri i ri i Brendshëm të bëjë test droge për policët pasi kam informacione të sigurta nga brenda strukturave të policisë se një pjesë e madhe e efektivëve marrin substanca narkotike dhe gjykoj se këto persona duhen larguar urgjentisht nga policia e shtetit,? ? tha Demiraj.

?Në rast se do të bëhej një test drogë ka një pjesë të konsiderueshme që [do të dilnin pozitivë]… Absolutisht kjo [deklaratë] nuk është akuzë ndaj policisë së shtetit, e cila në tërësi përbëhet nga 95-96 për qind e punonjësve punonjës të ndershëm, por që janë nën presion, punonjë në kushte të këqija pune, janë të keqpaguar, punojnë me orare të tejzgjatura dhe prej kohësh nuk kanë marrë pagesat për orët shtesë,? ? tha Demiraj.

Gazetarja Ilva Tare e pyeti ish-ministrin nëse do të kishte dhënë dorëheqjen për një situatë të ngjashme, ai tha se padiskutim që po.

?S?është momenti për të goditur ish-kolegun Lleshaj, dorëheqja e tij është një hap pozitiv, por e rëndësishme është që të thuhet se ai ka qenë i larguar që në shtator të këtij viti, thjesht ka qëndruar në detyrë, pasi të gjitha marrëdhëniet e tij me Ramën kanë qenë të acaruara dhe ka qenë i planifikuar me kohë për t?u hequr nga drejtimi i ministrisë,? ? u shpreh Demiraj.

Demiraj, i cili drejtoi ministrinë e Brendshme gjatë vitit 2017, tha se duhet rishikuar programi i stërvitjes së policëve dhe ngritur një strukturë task-force për hetimin e ngjarjeve që përfshijnë policinë. Teksa u shpreh se strukturat e policisë dhe ministrisë kanë plot persona të aftë, por që nuk u jepet mundësia, ish-ministri tha se fatkeqësisht nuk ka asnjë lëvizje në këtë drejtim./euronews