web counter
LEXO PA REKLAMA!

SHKARKO APP

App Store
Google Play

Impresionues që në fillim, kush është 20-vjeçari i Milanit që ka bindur menjëherë kuqezinjtë

16 Dhjetor 2020, 09:12, Sport CNA

?Vëllezërit e mëdhenj më treguan shtegun, më takon mua të bëj pjesën time tashmë?, deklaronte Kalulu vetëm pak muaj më parë, teksa ai shteg e solli te Milani. Duke qenë një lojtar pa kontratë, kuqezinjtë e rrëmbyen nga Olimpiku i Lionit duke djegur kështu konkurrencën e disa klubeve, me në krye Bajernin e Mynihut, që ishin vënë në lëvizje për të siguruar shërbimet e francezit, një mbrojtës që cilësohet me të ardhme të garantuar. Ajo që e bindi të pranonte ?Djallin? ishte kontrata 5-vjeçare, por garanci për hapësirë për elementë me moshë të re.

Sinjali i parë ishte javën e kaluar kur ndaj Spartës së Pragës, Pioli zgjodhi të luante me ata që kishin më pak minutazh gjatë sezonit. Nëse në Europë rezultati linte vend për eksperimente, nuk mund të thuhet të njëjtën gjë për ndeshjen me Parmën kur trajneri e zgjodhi në urgjencë e sipër për të zëvendësuar të dëmtuarin Gabia e duke bërë kështu që 14 pankinat sezonale të harroheshin për 86 minuta nga Kalulu.

Djaloshi me origjinë afrikane ka pasaportë kongoleze dhe franceze, teksa si kombëtare ka zgjedhur Francën dhe është pjesë e U20. Vrapimet, forca fizike dhe përshtatja janë ndër cilësitë bazë, teksa ka hapësirë përmirësimi te krosimet dhe faza mbrojtëse ku spikat për nuhatje të mirë dhe rezistencë. Milani e pikasi në Ligën e Kampioneve për të rinj të sezonit të kaluar, ndërsa dëmtimet në seri që po kaplojnë mbrojtësit e ?Djallit? po ndihmojnë 20-vjeçarin të tregojë një pjesë të repertorit të tij.





Lajmet e fundit nga