web counter
LEXO PA REKLAMA!

SHKARKO APP

App Store
Google Play

E fundit!

x

Protestat e dhunshme/ Sociologu Tushe: Fëmijët imitojnë njëri-tjetrin ose nxiten nga familja 

15 Dhjetor 2020, 20:44, Politikë CNA

Për sociologët prania e shtuar e të miturve në protestat e dhunshme të javës së shkuar ka disa arsye.

Profesor Gëzim Tushe, i ftuar në emisionin Përballë të gazetarit Lutfi Dervishi, thotë se të miturit kanë tendencë të imitojnë njëri-tjetrin.

“Ka një parim tek fëmijët, është parimi i imitimit. Mjafton të dalë një e të thotë është gallatë e madhe atje do përplasemi me policinë është njëra anë. E dyta, kam përshtypjen që këtë tendencë mund ta kenë edhe familje të caktuara duke spekuluar që dilni se ju jeni minor dhe nuk ju kap ligji?, u shpreh ai.

Nga ana tjetër, të rinjtë në moshë madhore kanë të tjera arsye për të protestuar sipas sociologut Tushe.

“Ndërsa ata që janë 18 vjeç e lart kanë problemet e tyre. Analizojnë të sotmen dhe të nesërmen e shoqërisë shqiptare. Unë kam përshtypjen që po rriten dozat e të rinjëve që mendojnë se jetojnë në një shoqëri që e ka të diskutueshme perspektivën e të sotmes dhe të të ardhmës“, tha Tushe në Përballë.

Një tjetër faktor që ndikon në protestat e dhunshme sociologët e lidhin me izolimin për shkak të pandemisë.

“Na është shtuar koha por na është pakësuar hapësira. Dhe natyrisht sa më e ngushtë të jetë hapësira ku jetojnë njerëzit aq më shumë rritet tensioni social, aq më shumë shtohen konfliktet?, deklaroi sociologu./ CNA.al





Lajmet e fundit nga