E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Mutacion i ri i COVID-19/ Mjeku zbulon nëse do sjellë rritje të vdekshmërisë

15 Dhjetor 2020, 11:04, Lifestyle CNA

Mjeku shqiptar në Angli, Gazmir Balliu u shpreh për Euronews Albania se qytetarët anglezë janë shumë të interesuar për të bërë vaksinën anti-COVID.

?Procesi i vaksinimit është në hapat e para, vaksinimi është bërë në rreth 50 spitale në Angli dhe ka filluar edhe në Skoci. Sot është dita e parë që vaksinimi do të bëhet edhe në qendrat mjekësore. Kjo ka rritur optimizmin në popullsi, njerëzit janë shumë të interesuar që të paraqiten për të marrë vaksinën. Interesi ka qenë shumë i madh, na u desh që të ndryshojmë përgjigjet telefonike edhe tek qendra ime, t?u kërkojmë pacientëve që të mos telefonojnë për të marrë takime me vaksinë , por do të kontaktohen dhe do të paraqiten tek qendra e vaksinimit për të marrë vaksinën?, u shpreh ai.

Mjeku sqaroi më tej se deri më tani vaksina ka rezultuar efektive dhe se ka shfaqur probleme vetëm tek dy pacientë që janë alergjikë ndaj antibiotikut.

?Nuk ka pasur shqetësim, në ditën e parë ishin dy raste që ishin persona që kishin alergji nga vaksinat. Por, rastet e tjera, njerëzit nuk kanë pasur asnjë lloj problemi?, tha z.Balliu.

Mjeku foli edhe për mutacionin që ka pësuar koronavirusi. Ai theksoi se në këtë rast nuk mendohet se ka një rritje të vdekshmërisë apo se ky virus i ri do të sfidojë vaksinat.

?Po kjo është e vërtetë, kjo është dhënë që të tregojë që sistemi i vëzhgimit në Angli është shumë i fuqishëm. Nuk shikojmë vetëm nëse një person ka virusin, por edhe llojin e virusit. Ky mutacion i ri mendohet që mund të ketë qenë që nga pjesa e dytë e tetorit, kemi deri në 1000 raste të këtij virusi. Virusi gjithmonë ndryshon që të futet sa më mirë në qelizat e njeriut. Këto nuk sjellin asnjë avantazh tek virusi. Ka raste që këto ndryshime në virus e bëjnë që të jetë më infektues dhe ka raste që i sjell virusit në avantazh që mund të shmangë vaksinat pse mjekimet që po bëjmë. Në rastin që po flasim, nuk mendohet që ka një rritje te sëmundjes dhe vdekshmërisë nga ky virus, edhe nuk mendohet që do të ketë një mbrojtje kundër vaksinave që po përdoren ose që do të dalin në të ardhmen.?, u shpreh mjeku./euronews