E fundit!

07:08 Sociale

Moti për ditën e sotme/ Ja sa gradë do të shënojë termometri

Ditën e sotme vendi ynë do të ndikohet nga kushte atmosfer...

Protestuesit shpërthejnë ndaj Ramës/ Na trajtojnë si persona me probleme psikike, nuk ua falim

14 Dhjetor 2020, 19:28, Aktualitet CNA

Protesta e mbrëmjes së sotme, ndryshe nga netët e tjera ka qenë paqësore dhe është vënë re se pjesëmarrës kanë qenë edhe të moshuar, gra dhe fëmijë.

Një nga protestuesit tha se shteti policor është vënë në shërbim të mafies, ndërsa ngriti akuza ndaj kryeministrit Edi Rama.

?Unë mendoj që Policia në krahasim nuk ka ndryshuar shumë. Por nga protesta e Kukësit është shtuar brutaliteti. U pa brutaliteti, u arrestuan në orë të jashtëligjshme. U përdor një shtet policor në shërbim të mafies. I bëj thirrje Policisë të mos provojnë, se nuk do t?ua falin këtë që po bëjnë. T?u shërbejnë qytetarëve dhe jo politiqenëve. Thirrja ime është edhe për qenin e tërbuar, zoti Kryeministër që po çmend shqiptarët. Ramoviç nuk je për të qeverisur shqiptarët?, u shpreh ai.

Ndërkohë, një tjetër renditi arsyet se përse duhet shkarkuar nga detyra drejtori i Përgjithshëm i Policisë së Shtetit, Ardi Veliu.

?Arsyeja e parë është që duhet të shkarkohet drejtori i policisë Ardi Veliu se kanë mashtruar me deklaratat për vrasjen e të riut. Tre deklarata kontradiktore. Pastaj arsyet nuk kanë fund, borxhi publik, ikja e rinisë, koncesionet po bëjnë kërdinë, paraja publike është vjedhur në mënyrë të tmerrshme. Këtu vjen policia dhe thotë shpërndahuni ndërsa qendrat tregtare janë plot. Policia ka qenë e egër.

Shumica e të protestuesve janë të rinj. Përveçse policia del me uniforma turke, përdor dhunë ndaj të miturve. Preteksti që na shpërdajnë ne është Covidi ndërsa në qeli janë 10 veta në 10 metër katrorë. Ministrja e Arsimit doli sot dhe tha do të trajtojmë të miturit me psikolog. Këtu sa herë njerëzit dalin në protesta janë me probleme psikike. Nuk shkon diçka me qeverinë, problemet janë më lartGjëja e parë që kërkojmë është drejtësi për Klodianin. Mbi të gjitha jetojmë në një vend ku dita-ditës po zhduket rinia?, theksoi protestuesi./ CNA.al