web counter
LEXO PA REKLAMA!

SHKARKO APP

App Store
Google Play

E fundit!

x

“Kultivimi i kanabisit në rritje”/ Meta: Është “koncension” për grupet kriminale, askush të mos guxojë…

14 Dhjetor 2020, 18:14, Politikë CNA

Presidenti Ilir Meta, ka reaguar pas shkrimit të Zërit të Amerikës, i cili deklaronte se kultivimi i kanabisit është në rritje për të dytin vit radhazi.

Meta tha se shtimi i kultivimit të kanabisit është kthyer në traditë sa herë që afrohen zgjedhjet.

Sipas tij, ky është një ?koncension? për grupet kriminale, që në këmbim të përfitimeve kolosale nga kanabisi, u kërkohet nga ortakët në pushtet ?kontrolli elektoral? i Qarqeve.

Ai paralajmëron palët politike që askush të mos guxojë, që me paratë e kanabisit, të deformojë vullnetin e shqiptarëve në 25 prill 2021 dhe të pengojë të ardhmen europiane të shqiptarëve.

?Asnjë surprizë! Shtimi i kultivimit të kanabisit, me afrimin e zgjedhjeve, është kthyer tashmë në traditë.

Është një ?koncension? për grupet kriminale, që në këmbim të përfitimeve kolosale nga kanabisi, u kërkohet nga ortakët në pushtet ?kontrolli elektoral? i Qarqeve.

Që prej publikimit të raportit të fundit vjetor të Qendrës Europiane të Drogave, i kam bërë thirrje Policisë së Shtetit, Shërbimit Informativ Shtetëror, Prokurorisë dhe agjencive ligjzbatuese të përqëndrohen seriozisht në luftën kundër këtij fenomeni kanceroz, që aq shumë e ka dëmtuar shoqërinë tonë dhe imazhin ndërkombëtar të Shqipërisë.

Lufta kundër drogës është kusht për integrimin europian.

Askush të mos mendojë, lëre më të guxojë, që me paratë e kanabisit, të deformojë vullnetin e shqiptarëve në 25 prill 2021 dhe të pengojë të ardhmen europiane të shqiptarëve.

Grupet kriminale dhe ortakët e tyre në pushtet janë të identifikuar!?, shkruan Kreu i Shtetit në rrjetet sociale./ CNA.al





Lajmet e fundit nga