web counter
LEXO PA REKLAMA!

SHKARKO APP

App Store
Google Play

E fundit!

x

Rikthehet buzëqeshja te Tirana, Halili jep premio për lojtarët pas fitores me Laçin

10 Dhjetor 2020, 09:15, Sport CNA

Lojtarët e Tiranës mbushin xhepat. Si zakonisht pas fitores presidenti Refik Halili ka shpërblyer skuadrën për fitoren. Pas tri pikëve në sfidën me kurbinasit, presidenti u ka bërë me dije dhe u ka shpërndarë 15 milionë lekë të vjetër premio. Lojtarët kanë marrë për kokë një shumë të konsiderueshme për fitoren.

Për bardheblutë ky nuk është shpërblimi i parë, sepse edhe në sfidën me Kukësin morën nga 500 mijë lekë për kokë. Në fakt, presidenti i Tiranës tregohet zemërgjerë dhe gjithmonë shpërndan premio sa herë që skuadra e tij fiton. Ai u dha një shumë të konsiderueshme edhe për derbin, ndërsa lojtarët nuk ia dolën që ta fitonin bonusin që kishte vënë në dispozicion Halili tre ditë më parë. Sezonin e shkuar vetëm premio, Halili ka shpërndarë për lojtarët më shumë se 250 milionë lekë.

Titullarëve u ka rënë që të marrin rreth 15 milionë lekë për kokë, ndërsa të gjithë të tjerët kanë marrë goxha shpërblim vetëm nga premiot e ndeshjeve teke. Jo vetëm kaq, por lojtarët kanë marrë edhe paratë e shpërblimit që kishin të parashikuar në kontratë, ndërsa një javë më parë ia dolën të fusin në xhep edhe shpërblimin që u dha Bashkia Tiranë për fitoren në derbi. Në shtatë ndeshjet e para, Tirana ka nëntë pikë, me dy humbje dy fitore dhe tre barazime. Shumë pak pikë në krahasim me të njëjtin moment në sezonin e shkuar.





Lajmet e fundit nga