web counter
LEXO PA REKLAMA!

SHKARKO APP

App Store
Google Play

“Qeveria të mos kursejë financat”/ Meta: Çdo shqetësim i qytetarëve duhet trajuar me urgjencë

6 Dhjetor 2020, 15:49, Politikë CNA

Presidenti Ilir Meta ka reaguar sërish pasiten e sotme sa i takon situatës së krijuar nga Covid, duke u shprehur se rastet e humbjes së jetëve e bëjnë edhe më të rëndë gjendjen.

Përmes një postimi në rrjetin social, Meta thekson se duhet një organizim më i fortë për menaxhimin e situatës, duke shtuar se çdo ankesë e qytetarëve duhet trajtuar me përgjegjësi maksimale dhe në mënyrë urgjente, pasi sipas tij çdo vonesë rrezikon jetë dhe kjo është e papranueshme.

Për presidentin, qeveria nuk duhet të kusej asnjë financim sa i takon përballimit të Covid.

?Shpreh shqetësimin e thellë për përshkallëzimin e situatës së pandemisë COVID-19. Rastet e shtuara të humbjeve së jetëve, si dhe të qytetarëve të infektuar, përbëjnë një preokupacion madhor.

Shtimi i urgjencave me qytetarë të prekur nga COVID-19 në gjendje të rëndë, të cilët vijnë drejt spitaleve të Tiranës dhe detyrohen të presin gjatë në autoambulanca, kërkon marrjen e masave të menjëhershme, që kjo situatë të mos përsëritet.

Kërkohet një organizim i fortë, që u jep përgjigje të menjëhershme problemeve të shumta dhe shpesh të dhimbshme të qytetarëve lidhur me COVID-19.

Çdo ankesë e qytetarëve, duhet trajtuar me përgjegjësi maksimale dhe në mënyrë urgjente, pasi çdo vonesë rrezikon jetë dhe kjo është e papranueshme.

Qeveria duhet të bëjë maksimumin në këtë luftë me pandeminë, duke mos kursyer financimet e nevojshme dhe mobilizimin e organizuar të të gjitha resurseve njerëzore për përballimin e saj.

COVID-19 është një armik i rrezikshëm dhe duhet trajtuar si i tillë, me qëllim mbrojtjen e shëndetit dhe jetës së çdo qytetari?, shkruan Meta./CNA.al.





Lajmet e fundit nga