“Më dënuan me 1 vit burg”/ Mihrije Braha tregon historinë e vështirë të jetës së saj: Kam vdekur disa herë

28 Nëntor 2020, 08:40, Lifestyle CNA

Këngëtarja e njohur Mihrije Braha ka rrëfyer histori nga jeta e saj që deri më sot nuk i kishim ditur. E ftuar në emisionin ?5 Datat? në Prive ka treguar se vite më parë është dënuar me 1 vit burg.

Këngëtarja ka treguar se tre dekada më parë artistët e kishin shumë të vështirë të udhëtonin nga një vend në tjetrin për të dhënë koncerte dhe në njërin prej tyre është ndalur nga policia.

Ajo ka rrëfyer se teksa udhëtonte drejt Maqedonisë në vitin 1995 është ndalur nga policia së bashku me bashkëshortin e saj dhe atje janë dënuar me 1 vit burg.

?Nisemi me Naimin të shkojmë në Maqedoni dhe na ndalin policia, thonë pse keni qenë në Shqipëri. Na i morën pasaportat, na kthejnë, na dënojnë një vit burg, ndërsa me kusht dy vite dhe me dinarë?, rrëfeu Mihrija, duke treguar se ënimi e kishin shlyer duke paguar kushtin.

Më pas ajo ka treguar dhe një nga situate më të vështira të jetës së saj, kur bashkëshrti i saj Naimi dyhsohej se vuante nga kanceri por fatmirësisht nuk rezultoi e vërtetë pas analizave të kryera.. ?Në vitin 1996 diku nga fundi i shtatorit pikërisht kur ne mendonim se gjithçka ishte në rregull, Naimi më tha se duhet të shkonte në spital. Nuk e mendova se mund të ishte diçka serioze. Kur ai shkoi tek doktori i thanë se duhet të bënte një ndërhyrje. Ishte periudha kur ne po jetonin bashkë me familjen e Naimit. Në këtë rast po flas si shtylla mbështetëse e njeriut që po vuante. Kur Naimi filloi me anestezinë, i mbeti loti ndër sy dhe nuk mundi të më jepte një porosi të fundit.

Kam vdekur disa herë dhe jam ngjallur brenda sekondave. Afër kisha nënën e Naimit dhe po mbështesnim njëra-tjetrën, për të mirë na njoftuan se ai ia doli dhe ishte mirë nga gjendja shëndetësore. Kjo ka qenë një nga ngjarjet që asnjëherë nuk e kisha imagjinuar. Ka qenë shumë e vështirë sepse unë po luaja dy role?, ka rrëfyer këngëtarja./ CNA.al