“Nevojë ulëritëse e shoqërisë për ndryshim”/ Patozi: Shqipëria duhet të shpëtojë nga kryetarokracia

27 Nëntor 2020, 13:12, Politikë CNA

?Shoqëria shqiptare ka nevojë ulëritëse për ndryshim në politikëbërje?. Me këtë e lidh koordinatori i partisë Bindja Demokratike, Astrit Patozi suksesin në zgjedhjet e 25 prillit.

I ftuar në Ditari në A2 CNN ai thotë se shqiptarët do të refuzojnë dy blloqet e së keqes që janë mazhoranca dhe opozita, ndërsa shprehu nevojën për bashkim të polit të tretë

?Shqiptarët që refuzojnë dy partitë kryesore dhe dy blloqet e së keqes, partinë në pushtet dhe opozitën kompromentuese të Bashës e Kryemadhit dhe këta njerëz presin. Ne po bëjmë gjënë e duhur për t?iu dhënë një alternativë tjetër për të ndryshuar Shqipërinë. Nëse boshti i së mirës nuk funksionin, Shqipëria do të jetë e dyzuar, e vetmja rrugë është të bashkojmë forcat, dhe kjo është e mundur dhe e arritshme dhe kjo ka bindje që do të ndodhë. Jemi të detyruar të bashkëpunojmë për llogari elektorale. Duke qenë bashkë ne jemi me të fortë dhe ka mundësi që ky projekt politik të jetë nesër një forcë qeverisëse?, tha ai.

Patozi nuk përjashtoi një bashkim me partinë e ish-nënkryetares demokrate Jozefina Topalli, kur tha se ka ngjashmëri 99% me atë që ata mendojnë për Shqipërinë e së nesërmes. Ai ftoi të bashkohen të gjithë ata që ndajnë të kauzë, përfshirë edhe Nismën Thurje kur të zyrtarizohet.

?Kam marrëdhënie shumë të mirë dhe korrekte me Topallin. Nuancat tona nuk janë asgjë para kauzës që na bashkon. Kam vënë re ngjashmëri gati 99 % për atë që ne mendojmë për Shqipërinë e së nesërmes dhe kjo është kryesore. Por nuk është thjesht marrëdhënia ime me Topallin, pasi ne presim edhe aktorë të tjerë politikë që t?i bashkohen, pa qenë e nevojshme të bëhen kryetarë partie, ndryshimi në politikë nuk arrihet mes fjalëve, por me aktet e gjestet. Në këtë front janë të gjithë të ftuar që kanë të njëjtën kauzë. Në rastin që do bëhen, ne do të kemi një raport të ri ta( i referohet Nismës Thurje). Kushdo që ka diçka për të thënë është i ftuar që të jemi bashkë?, u shpreh koordinatori i Bindjes Demokratike.

Akuzave të opozitës se partia e tij apo e Topallit po favorizojnë Ramën, Patozi iu përgjigjet se opozita nuk është pronë, por mision. Sipas tij rrotacioni është i pamjaftueshëm, pasi Shqipëria ka nevojë për ndryshim. Dhe në këtë pikë ai thotë se qeveria duhet rrëzuar jo për menaxhimin e tërmetit apo pandemisë, por sepse është e korruptuar.

?Rrotacioni nuk i duhet askujt se është i pamjaftueshëm, Shqipëria ka nevojë për ndryshim. Është gabim ta lidhësh rrëzimin e qeverisë me fatkeqësitë natyrore. Unë nuk do të doja të merrja asnjë votë qoftë dhe votën time, nëse do kisha për bazë politikën me morgun e Tiranës apo të vdekurit e kovidit. Është gabim kjo lloj qasje. Kjo qeveri duhet rrëzuar jo si ka trajtuar tërmetin apo pandeminë, se për këto është gati qeveri normale, por kjo qeveri për fatin tonë të keq është e korruptuar, arrogante dhe ka njëmijë afera të tjera. Këto janë gjërat që duhet të diktonin opozitarizmin në Shqipëri. Të merresh me tërmetin dhe kovidin, ku ka një lloj arritje do të thotë ta ndihmosh këtë qeveri. Kryeministri i ka mbushur ditët dhe duhet të largohet. Kemi parë prova e fakte që kjo qeveri nuk mendon për qytetarët?, deklaroi koordinatori i Bindjes Demokratike.

Me Bashën thotë se ndahet konceptualisht për opozitarizmin dhe thotë se nuk asgjë personale.

?Unë s?kam asgjë personale me Bashën, as me Ramën. Me Bashën kemi qenë në një shtëpi, vëllezër në politikë për një kohë të gjatë. Ajo që më ndan është koncepti për opozitarizmin ai ruan stanjacionin dhe pret që t?i vijë radha dhe unë këtë nuk e pranoj?, tha Patozi.

Për Patozin Shqipëria duhet të shpëtojë nga 3 partitë kryesore, ndërsa akuzon Ramën, Bashën dhe Metën se mbajnë në këmbë kryetarokracinë.

?Shqipëria duhet të shpëtojë nga kryetarokracia. Rama, Basha e Meta e mbajnë në këmbë kryetarokracinë. Ne jemi të vetmit që mund t?i japim një shpresë Shqipërisë që nëse e lëmë në dorë të partive kryesore, nuk ia vlen më që të rrish në Shqipëri, dhje jo më të kesh shpresë për ndryshim të mirë?, tha Patozi./CNA.al.