web counter
LEXO PA REKLAMA!

SHKARKO APP

App Store
Google Play

E fundit!

x

Një vit nga tërmeti, banorët ende në çadra/ Najada Selmani kritika qevrisë: Pranojeni se keni dështuar

26 Nëntor 2020, 15:47, Politikë CNA

Ka kaluar 1 vit nga tërmeti i nëntorit ku u regjistruan 51 viktima dhe 913 të plagosur, ndërsa mijëra persona humbën banesat, një pjesë e të cilëve sot ende ndodhen në çadra e pa një çati mbi kokë.

Lidhur me këtë ka reaguar dhe bashkëthemeluesja e Lëvizjes për Ndryshim, Najada Selmani, e cila kritikon ashpër qeverinë e cila e përdoni këtë ngjarje për shoë, ndërsa sot pas një viti banorët kanë mbetur rrugëve.

Si sot një vit, Shqipëria u gdhi nën rrenoja!

Tërmeti me pasoja shkatërruese që goditi vendin hapi plagë të reja në shumë familje shqiptare! Plagë që nuk po mbyllen as sot, pas një viti të plotë me mashtrime dhe propagandë nga Kryeministri, kabineti qeveritar dhe një farë komiteti i shpëtimit!

Sot pas një viti të rënduar ekonomikisht dhe mendërisht për shqiptarët nga situata e kovid-19 dhe tërmetit situata paraqitet e njëjtë! Banorët e mbetur rrugëve, me banesat e prishura në themel, kanë një vit që nuk dëgjojnë gjë tjetër veçse propagandë dhe kaq!

Zotërinj të nderuar, bëtë shfaqje dhe shoë mediatik sa u doli boja ndër shqiptar, është koha të pranoni,të paktën, se keni deshtuar! Përveç kësaj nuk mund të bëni asgjë më shumë!

 Ata banorë që po jetojnë që prej një viti çadrave janë pasqyra e vërtetë e këtyre 8 viteve qeverisje!





Lajmet e fundit nga