web counter
LEXO PA REKLAMA!

SHKARKO APP

App Store
Google Play

“Nuk do mjaftonin edhe 20 spitale”/ Flamur Topi apel të fortë qytetarëve: Ua keni vështirësuar punën mjekëve

25 Nëntor 2020, 19:19, Lifestyle CNA

Doktor Flamur Topi, mjek i përgjithshëm ka qenë i ftuar pasditen e sotme në ABC news ku ka folur për situatën e pandemisë.

Ai u kërkoi qytetarëve që të jenë të kujdesshëm dhe të respektojnë masat anti-covid, për t?ua bërë më të lehtë punën mjekëve, që ndodhen në vijën e parë të zjarrit në luftë me koronavirusin.

Ai tha se ka një shkujdesje popullore dhe masat nuk respektohen.

“Unë kam një përvojë të gjatë mjekësore. Që vitet ?57 dhe deri tani, kam jetuar me problemet e mjekësisë, por kurrë nuk kam parë apo ndeshur me një situatë të tillë të jashtëzakonshme. Humbjet kudo janë trishtuese, shumë të madha, aq sa të depresojnë.

Nga mëngjesi dhe deri në darkë vetëm covid, covid, covid. Është ca traumatike. Duhet menduar edhe pak për psikikën njerëzore. Secili pak temperaturë të ketë, mendja i shkon atje, obobo më kapi. Kur shikon dhe dëgjon që kanë humbur jetën edhe mosha të reja, kjo të bën edhe më shumë, të merakosesh, të hysh në atë gjendje paniku.

Institucionet po bëjnë maksimumin. Unë mendoj që ne ua kemi vështirësuar shumë. Mosha mbi 60-vjeç grumbull, luajnë, luajnë domino, rrugës shoh njerëz që ecin të shkujdesur, vetëm formalisht mbajnë maskën. Ka një shkujdesje mbarëpopullore. Vetë ne si popull, ua kemi vështirësuar shumë, do të duheshin, jo vetëm një spital por edhe 20, do të ishin të pamundur.”/CNA.al





Lajmet e fundit nga