web counter
LEXO PA REKLAMA!

SHKARKO APP

App Store
Google Play

E fundit!

x

U ngjit në Ligën B, kombëtarja shqiptare mëson kundërshtarët për shortin e ardhshëm

19 Nëntor 2020, 08:58, Sport CNA

Liga e Kombeve ka mbyllur siparin e këtij edicioni, ku të panjohurat që mbeten janë vetëm emrat e fituesit të Final Four dhe të dy skuadrave që do të zbresin në Ligën D pas play-off. Ndaj që tani ka një ide të qartë se si do të jetë turneu në edicionin e adhshëm, i cili zhvillohet në gjysmën e parë të 2022.

Shqipëria di që tani emrat e skuadrave që do të ketë përballë në short, të ndara sipas vazove në bazë të renditjes në grupe. Në vazon e parë janë skuadrat që kanë rënë nga Liga A, përkatësisht Bosnjë Hercegovina, Islanda, Suedia dhe Ukraina, ndonëse për këtë të fundit duhet pritur më parë vendimi i UEFA-s për ndeshjen që nuk u zhvillua me Zvicrën.

Në vazon e dytë janë ekipet që janë renditur të dytat në ligat përkatëse në këtë edicion, përkatësisht Norvegjia, Skocia, Rusia dhe Finlanda. Në vazon e tretë renditen Rumania, Izraeli, Serbia dhe Irlanda. Vetë Shqipëria renditet në vazon e katërt përkrah Malit të Zi, Armenisë dhe Sllovenisë, të cilat nuk mund t?i ketë kundërshtare në short.

Qartësisht, pritet që sfidat në edicionin tjetër të jenë shumë të forta për Shqipërinë, pasi në çdo vazo që ka më sipër, ka ekipe me emra shumë më cilësorë se ata me të cilët është përballur në këtë edicion, në të cilin triumfoi por jo pa vuajtje. Për më tepër, edicioni i ardhshëm është shumë i rëndësishëm, pasi do kthehet skema që çon në play-off për pjesëmarrjen në Euro 2024. /vipsport.al/

VAZO 1: Bosnjë Hercegovinë, Islandë, Suedi, Ukrainë
VAZO 2: Finlandë, Norvegji, Rusi, Skoci
VAZO 3: Irlandë, Israel, Rumani, Serbi
VAZO 4: Armeni, Mali i Zi, Slloveni, Shqipëri





Lajmet e fundit nga