web counter
LEXO PA REKLAMA!

SHKARKO APP

App Store
Google Play

E fundit!

x

Ndërpritet dializa në Korçë/ Pacientët ankohen se kanë 4 ditë pa shërbim

17 Nëntor 2020, 13:19, Aktualitet CNA

Përqëndrimi i të gjithë vëmendjes dhe energjive të sistemit shëndetësor te pandemia e koronavirusit po lë jashtë vëmendjes pacientët me sëmundje të tjera.

Kështu pacientët në qendrën e dializës në spitalin rajonal të Korçës bëjnë apel për ndihmë pasi ka katër ditë që nuk u bëhet dializa.

Pacientët ndodhen në ambientet e jashtme të pavionit të shqetësuar dhe shprehen se ndihen të kërcënuar për jetën.

Një pacient, në një reagim për media tha mungesa e dializës po iu jep probleme të tjera shëndetësore.

?Neve nuk duan të na futin në dializë. Protokolli parashikon 48 orë por ne kemi 80 orë që nuk po futemi. Po dridhemi. Nuk po hymë dot në dializë. Kam katër ditë pa bërë dializë. Ka dal ajo me korona dhe duhet të bëjmë dhe ne tamponin. Por tamponin neve nuk po na e bëjnë?, tha pacienti.

Po mjeku nefrolog në spitalin e Korçës, Gentian Begolli,  thotë se pacientët në fjalë kanë rënë në kontakt me një person pozitiv me Covid.

?Pacientët e tjerë te dyshuar i kemi lënë turn të tretë, kemi sakrifikuar personelin tonë me lodhje të tejskajshme. Kurse për rastin sot në fjalë, personat kanë rënë në kontakt me një pacient që ka rezultuar me tampon pozitiv dhe për të ruajtur këta pacientë që kanë qenë në kontakt me këtë person dhe për të ruajtur edhe pacientët e tjerë që kemi në sallë, ne vendosëm që këta pacientë ti vendosim në turnin e tretë. Kanë qenë në dijeni që dje, i kemi kontaktuar personalisht. Shërbimi u është ofruar dhe do tu ofrohet?, tha Begolli.

Të njëjtën gjë konfirmon edhe Shërbimi i Hemodializës, sipas të cilit  ky shërbim nuk është ndërprerë për asnjë moment, për asnjë pacient.

?Lidhur me ankesën në fjalë, këta pacientë duke qenë se kanë pasur kontakt me pacient Covid-19 pozitiv, i është komunikuar që seancat e radhës do zhvillohen turn i tretë (18:00 ? 22:00), duke iu referuar protokolleve mjekësore për këto raste?.

 





Lajmet e fundit nga