web counter
LEXO PA REKLAMA!

SHKARKO APP

App Store
Google Play

“Edhe Rama ka qenë i dënuar në Paris”/ Manjani: Akuzat për Bashën po shfrytëzohen për fushatë

17 Nëntor 2020, 10:27, Aktualitet CNA

Prej disa ditësh vëmendja publike po përqëndrohet mbi krimet serbe në Kosovë të kryera në 1999, ndërsa kryeministri Edi Rama hedh akuza mbi përfshirjen e kreut demokrat Lulzim Basha, që në atë kohë ka qenë një prej përkthyesve dhe më pas ndihmësve ligjore të ekipeve të UNMIK që mblodhën fakte dhe hetuan krimet.

Për ish-ministrin e Drejtësisë Ylli Manjani, këto akuza nuk qëndrojnë pasi nuk kanë logjikë. Përmes një statusi në rrjetin social ai shkruan se çdo gjë bëhet për fushatën zgjedhore që po afron.

?Gjergji Thimio e Fatos Nano kanë bërë deklarime publike që Edi Rama ka qenë i arrestuar në Paris për shitje të paligjshme ikonash. Vetë Edi Rama ka deklaruar, jo pa krenari se ka qenë i shoqëruar nga policia Italiane, ndërkohë që në formularin e dekriminalizimit ky fakt nuk gjendet.

Bolton ish këshilltar i Trump foli me zë e figurë se “…ideja e shkëmbimit të territoreve të Kosovës është e Edi Ramës”.

Greqia ka njoftuar zgjerimin me 12 milje të kufirit të saj shtetëror, pasi Edi Rama u dha të drejtë.

Për asnjërin nga këto informacione publike nuk u bë as komision hetimor, as top lajme e madje as edhe një debat i vetëm. Ama kasetën që mori BBC në prani të Dash Pezës e paska fshehur Luli i UNMIK. Me këtë gjest paska “…bërë leckë PD”…

A ka ndonjë logjike që i lidh këto momente me njëra-tjetrën?! Ka vetëm një: Shaj e shpif se diçka mbetet. Fushatë hesapi. Llogjika nuk bën punë. Edhe kur dëmtohet vendi, prap llogjika nuk vlen. Në fushatë mik shpallet çdo armik, pavarësisht si e ka emrin, Alexandar apo Dick. Tani “armiku” është Luli i PD, dhe miq janë armiqt e shqiptarëve.

Luli i PD duhet të japë llogari edhe për UNMIK-un e para 20 viteve në Kosovë…! Hë ta lumsha!
Jepini! Shpejt do ti kërkohet llogari Lulit edhe për bombardimet e NATO-s. Do dalë ndonjë dëshmitar edhe për këtë gjë… Kështu është kur qeveria nuk jep llogari, por kërkon llogari. Por të paktën tashmë “fajin e ka Luli”. Ah, të rrojmë e ta kujtojmë median e lirë?, shkruan Manjani. CNA.al/ 

 





Lajmet e fundit nga