E fundit!

18:07 Aktualitet

Komisioni i Reformës Zgjedhore kërkon shtyrjen e afatit të punës

Komisioni i Posaçëm i Reformës Zgjedhore ka bërë kërkesë K...

Shoqërimi i Kastriot Islamit në komisariat/ Maliqi: Kryeministër hakmarrës-primitiv

15 Nëntor 2020, 10:46, Aktualitet CNA

Deputeti i opozitës Lefter Maliqi ka reaguar ashpër ndaj arrestimit të djeshëm të ish deputetit Kastriot Islami.

Përmes një postimi, Maliqi e ka cilësuar si hakmarrës dhe primitiv kryeministrit Edi Rama, teksa ka shtuar se policia nuk është prova e tij.

Deputeti opozitar ka vijuar më tej duke theksuar se kjo është një hakmarrje e kreut të qeverisë, pasi Islami është një ndër kritikët ndaj regjimit të tij.

?Kryeministër hakmarrës-primitiv! Policia nën urdhrat e orekseve politiko-mafioze të Kryerilindasit më të urryer në historinë e Shqipërisë

Të dashur miq! Dënoj me ashpërsinë më të madhe aktin politik hakmarrës dhe shantazhues ndaj Profesorit të nderuar Kastriot Islami, ish-Kryetar i Kuvendit, ish-Ministër i Jashtëm. Policia e shoqëroi në komisariat ku e mbajti për gati 2 orë sepse nuk kishte vendosur maskën e virusit.

Ky njeri i nderuar ishte në rutinën e tij duke bërë vrapin e përditshëm nga Liqeni? dhe në kushte të tilla maska nuk rekomandohet?; Megjithatë ky është pusht-shteti i Edi Ramës, dhe ligji e logjika kanë vdekur me kohë. Pse nuk e gjobitën për maskën meqënëse paskan zbatuar ligjin; pse duhej ta shoqëronin në Polici, kur e dinin shumë mirë se kush ishte; për çfarë arsye e izoluan 2 orë në komisariat?!

Diktaturë koreano-veriore? por jo vetëm kaq?; Kjo është një hakmarrje mafioze e Kryerilindasit, për zërin më kritik ndaj regjimit të tij. Dhe sigurisht kur kritika i vjen nga një prej figurave më të spikatura të PS-së, njeriu i sëmurë psikik që e shndërroi në Rilindje, tërbohet. Kush e beson që me demek Kastrot Islami paska kundërshtuar forcat e Policisë, kur është njeriu me raportin më të rregullt me ligjin?!

Kjo është hakmarrje e hapur, banditeske, kërcënuese e shantazhuese ndaj zërave kundër Kryemafiozit, ndaj ky fundërrinë duhet shporrur një orë e më parë. Policia nuk është pronë e këtij njeriu që ai e përdor në stilin Diktaturë.

Policia është për të mbrojtur dhe respektuar qytetarët e ndershëm të këtij vendi, nuk është për të zbatuar orekset politico-mafioze të Kryediktatorit-Kryeministër’, shkruan Maliqi. CNA.al/