web counter
LEXO PA REKLAMA!

SHKARKO APP

App Store
Google Play

Britanikët drejt nxjerrjes së vaksinës/ Do jetë dhjetë herë më e lirë se ajo e Pfizer

15 Nëntor 2020, 17:43, Lifestyle CNA

Pas gjetjes së vaksinës anti-Covid nga Pfizer, edhe britanikët janë shprehur optimistë për krijimin e një tjetër vaksinë që lufton virusin e rrezikshëm.

Profesor Andrew Pollard, i cili drejton Universitetin e Oksfordit të mbështetur nga AstraZeneca, ka deklaruar për CNN se vaksina mund të jetë gati deri për Krishtlindje.

Pollard tha se ekipi i tij ka bërë një punë të mrekullueshme me shpejtësi rekord, ndërsa theksoi se vaksina e tyre do të jetë më e lehtë për tu shpërndarë dhe dhjetë herë më e lirë se ajo e Pfizer, e cili ka nevojë për dy injeksione dhe duhet të ruhet nën -109F (-78C).

Ai tregoi se vaksina e tyre është në prag të demonstrimit të “efikasitetit”, një test i rëndësishëm mjekësor për të provuar suksesin e një ilaçi, të cilin firma gjermane e barnave Pfizer e bëri në vaksinën e saj të hënën e kaluar.

?Ne jemi optimistë se do të jemi në gjendje të demonstrojmë efikasitet deri në fund të vitit. Ne kemi punuar pa u lodhur gjatë gjithë vitit dhe mezi presim të shohim rezultatet në muajt në vazhdim.

Ne jemi një ekip i vogël akademik në Oksford. Është një mrekulli që kemi qenë në gjendje të kryejmë prova në shkallë të gjerë me shpejtësi rekord. Partneri ynë AZ do të dorëzojë vaksinën mbi një bazë jo-fitimprurëse?, u shpreh Polllard.

Ndërkohë, kujtojmë se Pfizer dhe BioNTech ishin javën e kaluar të parët që njoftuan se vaksina e tyre kishte qenë 90 përqind e suksesshme. Qindra vaksina po provohen në të gjithë botën./ CNA.al





Lajmet e fundit nga