E fundit!

20:38 Aktualitet

Përballë Nokës për postin e Sekretarit të Përgjithshëm të PD-së/ Korreshi: Ja kur e mora vendimin për të garuar

Deputeti Saimir Korreshi është vendosur përballë Flamur No...

“Qytetarët po vdesin!”/ Dasho: Demagogjisë dhe mashtrimit po i shtohet edhe kakofonia

15 Nëntor 2020, 15:09, Lifestyle CNA

Eksperti i shëndetit publik, Erion Dasho ka analizuar deklaratat e ministres Ogerta Manastirliu gjatë konferencës së ditës së sotme.

Dasho në një status në rrjetet sociale shkruan se se plani i ministres së Shëndetësisë, Ogerta Manastirliu për menaxhimin e pandemisë qëndron vetëm për kohën e ardhme ndërkohë që shqiptarët po sëmuren e po vdesin.

Sipas Erion Dashos, në konferencën e sotme ministrja bëri gafën e radhës duke deklaruar se vdekjet për 1 milion banorë në Shqipëri kanë qënë 20.6!!! 10 herë më pak se shifra zyrtare dhe 40 herë më pak se shifra që raporton INSTAT-i.

Eksperti shkruan gjithashtu se qytetarët po ndodhen në mes të një kakofonie mes asaj që deklaron ministrja dhe asaj që deklaron kreu i qeverisë dhe se ata nuk dinë më kë të besojnë.

“MINISTRJA QË PUNON PËR TË ARDHMEN DHE PACIENTËT QË VDESIN NË TË TASHMEN!
Në kohën kur Shqipëria është nën pushtetin e plotë të COVID-it dhe qytetarët shqiptarë po sëmuren dhe vdesin, ministrja e shëndetësisë & Co. dolën para shqiptarëve për demagogjinë e radhës.

Gjithçka vazhdon në kohën e ardhme! Do të vijnë teste të shpejta! Do të angazhojmë mjekun e familjes! Do të… Do të… A thua se virusi bën pushim dhe nuk vret deri sa të kujtohen të marrin masa perfaqësuesit e ministrisë dhe komitetsat.

Duke treguar disa grafikë të pikturuar keq dhe duke interpretuar një skenar të shkruar edhe më keq, ministrja këputi mufkën e radhës duke deklaruar se vdekjet për 1 milion banorë në Shqipëri kanë qënë 20.6!!! 10 herë më pak se shifra zyrtare (e cila ka një përqindje të madhe mashtrimi brenda) dhe 40 herë më pak se shifra që raporton INSTAT-i!!!

Një deklaratë që nuk mund të kalojë pa vënë re është edhe premtimi se nëpërmjet OBSH-së do të vijnë në javën në vijim 200 mijë teste të antigjenit.

Qytetarët nuk dinë kë të besojnë, kryeministrin që dje deklaroi se testet nuk duhen dhe se ata që kërkojnë teste janë të lidhur me kompanitë farmaceutike apo ministren e vet që deklaron se po vijnë 200 mijë teste!!!

Demagogjisë dhe mashtrimit që dëgjojmë përditë tashmë i shtohet edhe kakofonia! Dikush duhet t?u kujtojë qeveritarëve tanë se kur gënjen të duhet kujtesë e fortë, përndryshe përfundon duke u bërë i pabesueshëm!!!
Mos haro, zonja ministre! Qytetarët për të cilët ke përgjegjësi politike dhe ligjore të kujdesesh, po vdesin!
Në të tashmen…”, shkruan Dasho në Facebook.