web counter
LEXO PA REKLAMA!

SHKARKO APP

App Store
Google Play

E fundit!

x

Erion Dasho ngre alarmin/ Shqipëria një nga vendet me vdekshmërinë më të lartë nga Covid-i në botë

13 Nëntor 2020, 19:57, Lifestyle CNA

Eksperti i Shëndetit Publik, Erion Dasho, ka akuzuar qeverinë se nuk po tregon shifrat e vërteta të humbjeve të jetëve nga COvid-19.

Dasho deklaron se vdekshmëria nga COVID-19 nuk është 208 për 1 milion, por vlerësohet të paktën 2 ose 3 herë më e lartë se kaq.

Sipas tij, Shqipëria nuk është vendi me vdekshmërinë më të ulët nga COVID-i në rajon, por ka gjasa të jetë një nga vendet me vdekshmërinë më të lartë nga COVID-i në botë.

?Sërish për vdekshmërinë nga Covid-19

Një krahasim i vdekshmërisë gjatë vitit 2020 me atë të viteve paraardhëse tregon qartë se “diçka” ka ndodhur tremujorin e tretë të vitit 2020. Në një situatë pothuajse të stabilizuar të vdekshmërisë në vite dhe në një grafik pothuajse uniform, papritur ka një “kërcim” në tremujorin e tretë të vitit 2020.

Kjo rritje prej gati 1,300 raste nga mesatarja e tre viteve të shkuara nuk mund të shpjegohet me rastësinë. Dhe duke qenë se nuk kemi aktualisht ndonjë “epidemi” infarkti apo aksidentesh, indiciet janë se pjesa më e madhe e 1,300 vdekjeve ekstra lidhen me COVID-19.

E sigurt është se nuk janë 322 vdekje aq sa tregon propaganda qeveritare, por shumë më tepër se kaq. Vdekshmëria nga COVID-19 nuk është 208 për 1 milion, por vlerësohet të paktën 2 ose 3 herë më e lartë se kaq! Shqipëria nuk është vendi me vdekshmërinë më të ulët nga COVID-i në rajon, por ka gjasa të jetë një nga vendet me vdekshmërinë më të lartë nga COVID-i në botë!

COVID-19 nuk shërohet me propagandë por me masa të efektshme, të bazuara mbi evidenca! Koha për veprim është tani!?, shkruan Dasho në rrjetet sociale./ CNA.al





Lajmet e fundit nga