web counter
LEXO PA REKLAMA!

SHKARKO APP

App Store
Google Play

E fundit!

x

Komentet raciste, jep dorëheqjen presidenti i Federatës Angleze

10 Nëntor 2020, 19:56, Sport CNA

Federata Angleze e Futbollit po përballet me një skandal shumë të rëndë racizmi, që i ka kushtuar vendin presidentit të saj, Greg Klark. 63-vjeçari, njëkohësisht edhe zëvendëspresidenti i FIFA-s, ka dhënë dorëheqjen sot nga posti i tij pasi është denoncuar nga anëtarët e Parlamentit anglez se ka përdorur fraza të papërshtatshëm në një seancë dëgjimore.

Klark ishte ftuar nga komisioni i medias dhe sportit për të diskutuar rolin e tij në një projekt të ideuar nga klubet kryesore angleze që kishin qëllim reformën e kampionateve. Por ndërsa po përgjigjej, Klark ka përdorur frazën ?futbollistë me ngjyrë? për të përshkruar minoritetet dhe sugjeroi që ?interesa të ndryshme në karrierë? shtynin personat nga Azia e Jugut që të zgjidhnin karrierë në informatikë para futbollit.

Njëkohësiht, ai deklaroi se një trajner i kishte thënë se mungesa e portiereve në ekipet e femrave vinte nga fakti se vajzat nuk preferonin që t?i gjuanin njerëzit me top. Të gjitha fraza të cilat janë vlerësuar të papërshtatshme nga anëtarët e parlamentit të cilët kanë kërkuar largimin e menjëhershëm të tij, që është bërë realitet sot pas një mbledhje Emergjence të Ekzekutivit të institucionit.

Organizatat anti-raciste e kanë cilësuar të prapambetur frazeologjinë e Klark dhe të drejtë vendimin për largimin nga drejtimi i Federatës. Ish-presidenti i Federatës Angleze, Devid Bernshtejn, ishte ai që dha deklaratën më të fortë kundër Klark. ?Ai është simboli i një organizate që ka qenë shumë e ngadaltë në rrugën drejt reformave. Shprehja ?peshku qelbet nga koka? është më e përshtatshmja për të?, tha ai.

Greg Klark vizitoi Shqipërinë në fillimine e vitit 2019, si pjesë e fushatës për zgjedhjen në FIFA, ndërsa mbështeti asokohe kandidaturën e Armand Dukës për Ekzekutivin në UEFA, duke deklaruar para mediave se kishte shumë për të mësuar nga presidenti i FSHF-së.





Lajmet e fundit nga