web counter
LEXO PA REKLAMA!

SHKARKO APP

App Store
Google Play

E fundit!

x

Lëvizje e papritur/ Mediat ganeze zbulojnë prapaskenat, Kobina do të largohet nga Tirana

10 Nëntor 2020, 16:34, Sport CNA

Vinful Kobina është kthyer në personazhin më të përfolur të Kategorisë Suepriore në kohët e fundit për shkak të cështjes së pasaportës dhe dokumentave të falsifikuar, që i sollën edhe një denim nga gjykata. Por pavarësisht se presidenti Tiranës, Refik Halili, ka deklaruar se dëshiron të mbajë lojtarin deri në fund të karriës, ndaj ka mbështetur pajisjen e tij me pasaportë shqiptare, palët po bëhen gati t?i japin lamtumirën njëra-tjetrës.

Mediat në Ganë insistojnë se anësori do të largohet këtë javë nga kryeqyteti shqiptar për të bërë vizitat mjekësore dhe testimet e rastit me një klube tjetër, para se të finalizojë marrveshjen për transferimin e tij përfundimtar në një kampionat më të mirë se ai shqiptar, ose të paktën më fitimprurës financiarisht.

Të njëjtat burime theksojnë se klubi në fjalë ka kërkuar prej kohësh Kobina, por ka vendosur vetëm tani të konkretizojë marrëveshjen, Kobina pritet të pajiset me dokumentacionin përkatës për të lejuar udhëtimin nga Shqipëria gjatë ditës së mërkurë. Tani mbetet të mësohet vetëm emri i skuadrës që kërkon me ngulm anësorin e Tiranës, i cili ka qenë vendimtar në vitin e titullit kampion duke shënuar shumë gola me peshë në rrugëtimin e bardhebluve drejt trofeut.





Lajmet e fundit nga