web counter
LEXO PA REKLAMA!

SHKARKO APP

App Store
Google Play

Pacientët me Covid trajtohen në autoambulanca!/ Pipero tregon se çfarë pritet të ndodhë nëse përkeqësohet situata

9 Nëntor 2020, 19:49, Lifestyle CNA

Mjeku infeksionist, Pëllumb Pipero, ka sqaruar aludimet se pacientët me Covid presin në autoambulanca, ku edhe trajtohen pasi janë ezauruar vendet tek Infektivi dhe Shefqet Ndroqi,

Pipero u shpreh se është një procedurë për të kaluar nga autoambulanca në urgjencë e më pas në pavion, duke sqaruar se ka një hallkë shërbimi që duhet realizuar me përpikmëri, ndaj pacientët duhet të bëjnë durim.

Në rast se vendet ezaurohen në spitalet Covid, Pipero thekson se do të përdoren spitalet rajonale për të trajtuar pacientët.

?Natyrisht ka momente të caktuara kur prurjet në urgjencë janë më të mëdha se shtretërit në urgjencë, por jo në spital dhe duhet disa minuta, ndoshta dhe më shumë se kaq që të sistemohen, pra të kalojnë në pavijon personat që janë në urgjencë dhe të futen edhe të tjerë.

Nuk është kaq e thjeshtë të administrosh një pacient nga autoambulanca në urgjencë dhe nga urgjenca lart në pavijon. Secila procedurë do kohën e vet dhe shpesh duket sikur ?obobo munguan vendet?. Në fakt është procedura që zgjat sepse kemi të bëjmë me jetën e qytetarit dhe duhet të jemi të përgjegjshëm në cdo hallkë të shërbimit shëndetësor ndaj pacientëve.

Dua të theksoj që ndoshta shumë shpejt situata mund të diktojë hapjen e spitaleve të ashtu quajtura për Covid 3 dhe 4 në Tiranë, por edhe të rajonaleve, i cili nuk është një opsion që nuk po diskutohet dhe ezaurohet. Do të donim të kishim sa më pak të sëmurë, por nëse do jetë nevoja, edhe kapacitetet e spitaleve rajonale do vihen në dispozicion të pandemisë?, u shpreh Pipero në Fax news./CNA.al

 





Lajmet e fundit nga