web counter
LEXO PA REKLAMA!

SHKARKO APP

App Store
Google Play

E fundit!

x

Ligji për presidentin/ PD: Është antikushtetues, Rama do t’i kufizojë kompetencat Metës

7 Nëntor 2020, 16:20, Politikë CNA

Partia Demokratike ka reaguar pas miratimit të ligjit për presidentin nga ana e mazhorancës.

Përmes një deklarate për media, selia blu shprehet se ky është një ligj antikushtetuese, duke shtuar se kjo gjë tregon se sa larg realitetit është kreyeministri Edi Rama.

Sipas Partisë Demokratike, Rama ka për qëllim kufizimin e kompetencave kushtetuese të presidentit, ku theksojnë se në 25 Prill, shqiptarët do ta rezfuzojnë masivisht kryeministrin e dështuar.

Po ashtu, në deklaratën e selisë blu thuhet se Rama merret me luftë personale politike, duke lënë pas dore qytetarët dhe duke mos mbajtur asnjë premtim gjatë këtyre viteve.

?Ligji antikushtetues i Edi Ramës për të nëpërkëmbur edhe Institucionin e Presidentit të Republikës, është përpëlitja e fundit e një Kryeministri të degraduar nga pushteti i pakufishëm. Ky është shembulli tipik i një Kryeministri në ikje, që në panikun e humbjes së karriges, tenton të kufizojë edhe kompetencat kushtetuese të Kreut të Shtetit, duke shkelur Kushtetutën.

Akti antikushtetues dëshmon sa larg realitetit është Edi Rama. Në vend që të zgjidhë hallet e qytetarëve, që po përballen me një krizë të rëndë shëndetësore, ekonomike dhe sociale, Edi Rama merret me luftën personale politike dhe listën e dëshirave të tij për më shumë pushtet. Për qytetarët vetëm fjalë, tallje, premtime të pambajtura dhe mashtrime. Për vetë pushtet dhe pasurim të paligjshëm.

Në 25 Prill, shqiptarët do ta rezfuzojnë masivisht Kryeministrin e dështuar?, thuhet në deklaratën e PD. CNA.al/ 





Lajmet e fundit nga