E fundit!

13:08 Aktualitet

Vrasja e efektivit/ Xhaxhai i Enea Mekollit ngre akuza: Ishin pa asnjë lloj mbrojtjeje

Xhaxhai i efektivit të vrarë, Enea Mekolli, Hazbi Mekolli,...

Klasikja spektakolare Dortmund-Bajern, 7 faktet që duhet t’i dini

7 Nëntor 2020, 16:26, Sport CNA

Ndeshje më spektakolare në javën e 7-të në Bundesligë nuk ka! Kryesuesit e Bajernit do të ndeshen me Borusian e Dortmundit që kanë po aq pikë sa kampionët.

1. Dortmundi dhe Bajerni do të ndeshen për herë të 103-të me njëratjetrën. Bajerni ka fituar 48 ndeshje dhe ka humbur 25. 29 takime kanë përfunduar në barazim. Gjashtë në shtatë ndeshjet e fundit janë fituar nga kampionët në fuqi.

2. Vendi i parë kundër të dytit. Bajerni di si të mposhtë konkurrencën me rivalët e përjetshëm. Hera e fundit që Bajerni humbiste si kryesues është në janar të 2015-ës me rezultatin 4-1 ndaj Volfsburgut.

3. Borusia e Dortmundit ka pësuar vetëm dy gola në 6 ndeshjet e para të kampionatit. Sfida ndaj Bajernit do të jetë prova gjenerale për nënkampionët të cilët do të ndeshen me skuadrën që ka shënuar më shumë gola në këto 6 javë. Skuadra e Flikut ka shënuar 24 gola në gjashtë javët e para të kampionatit duke u bërë skuadra me sulm më të mirë.

4. Bavarezët janë skuadra që shënon më shumë në transfertë. Në sezonin e kaluar ata shënuan në të 20-a ndeshje. Nëse kampionët do të gjenin rrugën e rrjetës edhe në ndeshjen e sotme, atëherë do të ishte skuadra e parë që do të shënonte në ?Signal Iduna Park? në këtë sezon.

5. Ka kaluar gati një vit që nga premiera e parë e Hansi Flikut me Bajernin. Më 9 nëntor të 2019-ës kundërshtari ishte Borusia e Dortmundit e cila u mund në ?Allianz Arena? me rezultatin e thellë 4-0. Ishte një nga debutimet më të paharrueshme për 55-vjeçarin.

6. Robert Levandovski është ndeshur me Borusian që pas transferimit në Mynih në 2014-ën, plot 12 herë. Ai ka shënuar ndaj ishskuadrës së tij plot 16 gola. Vetëm në 7 ndeshjet e fundit, polaku tundi 12 herë rrjetën e verdhezinjve. Në total, 32-vjeçari ka shënuar 18 gola në 21 ndeshje kundër Borusias, askush nuk ka shënuar më shpesh sesa ai me fanellën e Bajernit.

7. Humbja 4-1 në Hofenhaim ishte e para në 42 ndeshjet e fundit të Bajernit. Më pas skuadra e Flikut arriti të merrte 9 fitore radhazi duke nisur nga ndeshja e Superkupës ndaj Borusias.