E fundit!

13:08 Aktualitet

Vrasja e efektivit/ Xhaxhai i Enea Mekollit ngre akuza: Ishin pa asnjë lloj mbrojtjeje

Xhaxhai i efektivit të vrarë, Enea Mekolli, Hazbi Mekolli,...

“Ndaj Kastriotit lëshuam”, surprizon Ilir Daja: Do të bëjmë rotacion, ju tregoj dëmtimet

7 Nëntor 2020, 11:54, Sport CNA

Trajneri I Partizanit, Ilir Daja ka folur për mediet përpara takimit me Kukësin. Të kuqtë do të luajnë nesër në ?Loro Boriçi?, duke nisur nga ora 13:45. Daja shprehet se të dyja skuadrat vijnë nga një vazhdimësi negative në javën e parë të Superligës, teksa do të tentohet edhe rotacioni për të ruajtur freskinë, ndërsa tregon edhe mungesat.

?Nga ajo që u pa në ndeshjen e parë, do të thosha që ishte një dozë e shtuar emocionale. Lojtarët, prej pritshmërive të klubit, tifozëve dhe të vetë atyre, kërkonin që të bënin më shumë. Tentuam më shumë, kur barazuam, duke hedhur të gjithë potencialin sulmues për ta fituar ndeshjen.

Kështu që them se nuk është ndonjë vështirësi shumë e madhe, edhe pse ekipet vijnë nga humbje. Kemi nisur me dy muaj me vonesë dhe të gjithë kanë pasur vështirësi, pavarësisht nëse kanë fituar apo humbur. Ende nuk janë stabilizuar në manovër apo në formacionet bazë.

Është një ndeshje që duhet ta kishim fituar, por e kemi lënë pas dhe mendojmë për sfidën me Kukësin

Si ne, ashtu edhe Kukësi kemi vetëm tre ditë në dispozicion. Në nivel paragjykimi mund të flasim shumë, por do dihet gjithçka gjatë ndeshjes. Duhet lexuar mirë në dinamikë. Edhe me Kastriotin e nisëm mirë, kishim tre raste të mira shënimi.

Kastrioti? Unë si natyrë, apo Partizani, nuk kënaqet me fragmente të lojës, duam të drejtojmë lojën. Nuk kishim vazhdimësi. E nisëm mirë, lëshuam, pastaj reaguam. Cilësia e fushës, pa u justifikuar, ndikoi për ne, pasi kemi lojtarë me cilësi të mira teknike. Do të thosha, që për pritshmëritë që kemi, nuk është se jam i kënaqur me atë që të gjithë së bashku kemi bërë. Nuk janë vetëm lojtarët që mbajnë përgjegjësi për humbjen, në radhë të parë e mban stafi.

Kukësi? Ndeshja e nesërme i ka të tria rezultatet brenda. Edhe Kukësi do të bëjë të njëjtën gjë, do kërkojë tre pikët. Vijmë nga rezultate negative. Mund të bëjmë ndonjë rotacion, që të freskojmë pak ekipin. Kemi luajtur tre ditë përpara. Normalisht nuk e bëjmë dot në mbrojtje.

Mungesat dhe formacioni? Do shohim nëse Bitri do të jetë i gatshëm. Mund të ndryshojmë manovër, pastaj duhet parë nëse strategjia do të funksionojë në dinamikë. Në ndeshje të tilla duhet të jemi pragmatistë, pasi ndeshjet e para u zgjidhën nga episodet. Kjo do jetë strategjia kundër Kukësit dhe këto do jenë ndryshimet e vogla që kemi pasur këto ditë?, tha Daja përpara Kukësit.