web counter
LEXO PA REKLAMA!

SHKARKO APP

App Store
Google Play

Momenti kur Uzuni ishte protagonist te goli ndaj Juventsit

5 Nëntor 2020, 09:01, Sport CNA

Myrto Uzuni u rikthye menjëherë me ekipin e Ferencvarosh për të debutuar në ?Champions League? kundër Juventusit, duke u aktivizuar në minutën e 80 të takimit. Historia e përballjes ishte vendosur pasi Ferencvaroshi po humbiste në shifrat 0-3, ndërsa skuadra hungareze nuk po gjente as golin e nderit kundër kampionëve të Italisë.

Megjithatë me vetëm 10 minuta në fushën e lojës, dirigjenti Uzuni tregon menjëherë vlerat e tij. Në golin e vetëm të nderit topi ka ardhur disi me fat prej tij te Frank Boli, i cili e dërgoi topin në rrjetë.

Por që në fillimin e këtij aksioni sulmues shihet sesi Uzuni ndërron lojën me sukses dhe saktësinë e madhe që ka në dërgimin e topave të gjatë, për të prishur disi rreshtimin e kundërshtarit.

Pas dështimit të tentativës së parë nga ana e Boli, Uzuni ka kërkuar me ngulm pasimin për ta dërguar vetë topin në rrjetë. Një realizim ky që do të ishte historik në karrierën e futbollistit të Shqipërisë, por që nga ana tjetër do të shërbente edhe si ilaçi më i mirë pas gjithë kësaj periudhe që ka qëndruar jashtë fushës së blertë për shkakun e pandemisë. Në programin ?Sofascore? që i vlerëson futbollistët në bazë të statistikave, Uzuni shpallet si më i miri te Ferencvarosh, megjithëse kishte vetëm 10 minuta në fushën e lojës.





Lajmet e fundit nga