E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Analiza/ Shumë amerikanë besojnë ende tek Donald Trump

4 Nëntor 2020, 11:58, Kosova & Bota CNA

Elementi i parë që duhet nënvizuar në lidhje me zgjedhjet presidenciale në Shtetet e Bashkuara, është fenomeni demokratik që kemi parë atje. Nga votat me postë, votimi i hershëm dhe radhët e gjata përpara qendrave të votimit në të gjithë vendin, pjesëmarrja ishte shumë e lartë.

Dikur kemi parë të votonin vetëm 1 në 2 amerikanë. Por kësaj here jemi afër 2/3, ose mbi 65 përqind. Dhe ky është një fakt i jashtëzakonshëm. Media amerikane e komentoi me habi këtë dukuri, si të ishte një ?risi absolute?, apo edhe një ?rilindje?.

Pjesëmarrja ishte e njëjtë me atë në Afrikën e Jugut në zgjedhjet e para pas përfundimit të Aparteidit, ku çdo qytetar nuk donte të humbte mundësinë për të marrë pjesë në një moment të rëndësishëm në historinë e vendit.

E gjitha kjo kontraston shumë me tensionet e muajve të fundit, dhe me një fushatë shpesh të dhunshme dhe toksike, që i bëri njerëzit t?i frikësoheshin më të keqes. Ende nuk është e sigurt nëse më e keqja është shmangur ? mbetja pezull e rezultatit përfundimtar mund të rezervojë surpriza të këqija – por dukuria demokratike është e dukshme, dhe duhet të cilësohet si pozitive.

Nuk pati një ?triumf blu?

Vala e pritshme masive e votës pro demokratëve nuk ndodhi. Një ndër leksionet politike të këtyre zgjedhjeve është:edhe para se të mësohet emri i fituesit, ?Trumpizmi? nuk ka vdekur, dhe nuk do të vdesë dhe nëse humb Donald Trumpi.

Këto zgjedhje, janë përshkruar shpesh si një referendum pro ose kundër Trump. Xho Bajden, e bazoi fushatën e tij zgjedhore në refuzimin e një njeriu, që konsiderohej si jo i denjë postin e presidentit. Në këtë pikë është e qartë se pse ?papërshtatshmëria? e pretenduar e Trumpit, nuk rezultoi në ?triumfin blu? që prinin shumë analistë.

Përtej demagogjisë, vulgaritetit dhe gënjeshtrës, dhe pavarësisht nga rezultati i zgjedhjeve presidenciale, themelet e ?Trumpizmit? nuk janë zhdukur dhe nuk do të zhduken:kriza e identitetit të amerikanëve të bardhë që ndihen të kërcënuar, zemërimi përpara një globalizimi që gjeneron pabarazi, dhe mungesa e besimit tek një establishment, të cilin Xho Bajden e mishëron në mënyrë të përsosur.

Trumpizmi e tejkalon personalitetin e Trumpit, dhe ky është problemi që kemi pasur në 4 vitet e fundit kur analizon situatën në Shtetet e Bashkuara. Personaliteti i Trump është aq i dyshimtë, i karikaturuar, dhe shpesh i huaj për zakonet tona politike, sa që na bën të harrojmë atë që presidenti ka mishëruar që nga fushata zgjedhore 2016:zemërimin e amerikanëve.

Rezultatet e para, tregojnë se as menaxhimi i keq i pandemisë, dhe as kriza ekonomike dhe sociale, nuk e kanë ndryshuar këtë. Dhe të mos harrojmë se i njëjti zemërim vlon në të gjithë botën, ndonëse Trump ka një dimension të veçantë amerikan.

?Trumpizmi përtej Trumpit?, bën jehonë në Evropë dhe gjetkë, si në përparimin e populizmit ashtu edhe tundimet ?jo-liberale?. Mbetet të shihet se kush do të jetë presidenti i ardhshëm. Për mirë a keq, kjo zgjedhje do të ndikojë në mënyrë të pashmangshme mbi botën në të cilën jetojmë./ Përshtatur nga CNA.al